Popular Bible Verses from Rom 10

Share

I'i ipe' pewalapa basef amama alihim pi'i Jisas anan Dembinai ma pembale'efa God opalef ipe'imi pi'i God nafelona nohafel hi'agif wapoti', anona nemaf God nofa'ai ipe' wapoti' pitanimani.

Dei' main, ape' mombale'ef opalef ape'imi God na'i ape' amam nematawa mataga bu'upai andeande' ea'. Ea' mawalapa bale'ef ape'inai malogof ape'imi God nofa'apa nokwahomapa waf aonai motanimani.

Ape' mogawa, ape' hiapai mame' basef bu'wami ea' amama atom mafela bale'ef ape'inai. Ea' dei' basef amama mataga maina eaf? Amama mataga amam mawalapa basef Kraisi atom.

Amama si'i Baibel na'i, “Emi egafis sembale'efa anani, anona nemaf epes isima ina ukup aom, owa'.” Esis Juda saloma isima owa' Judaisi ea' na'ama etin, God Anan Dembinai atotona ape' hiapai. Ea' anan nagiambamapa nase'apa waf bu'unai etina emi egafis sofalona, si'i Baibel na'i, “Emi egafis sa'i agel Dembinai ma sofalona, nofa'as nokwahomas waf aonai sotanimani.”

I'i God owa' nosapa'i amam amama, dei' amam mefe' mowalapam mi'imama? Owa'etin. Si'i Baibel na'i na'ama na'i, “Ahalomafa! Maol anama epes sofa'i basef bu'wami ae'ami sifi'i, anama bu'unai endilisi!”

Ea' i'i esis owa' seambale'efa anan anona nemaf sofalana sogawana si'imama? Owa'etin. Ea' esis i'i owa' seame' basefa Anan, nambimb sombale'efana si'imama? Ea' i'i enis owa' sie'ipasa basef esis, dei' sogawam si'imama? Owa'etin.

Esis ukup mahamahasa waf God nanda'anai ma ni'i ape' epes bu'upai. Ea' sanda'am sawalapa waf bu'unai asasinai atona saila mi'uli anama God fowa' naso' Mosesanai. Ea' esis ina safe' owina Goda na'i ape' epes bu'upai, owa'. Ea' Krais nafi'i nataga ea'. Amama atom dei' ape' ina ata' mape owina mi'uli anama, owa'. Anan nafi'i nawalapa amam nematawa emi egafis sembale'efa basef Ananimi dei' God nofalas na'i esis amam nematawa bo'wes andeande'.