Popular Bible Verses from Rom 14

Share

Taraha, a Nipepeito tere Sunahan ema kannou nei na ema kaan ua nei. E möa. A Nipepeito tere Sunahan a mouna a markato a matskö i matana e Sunahan na masalohana na nisasaala te hala ranei ra u Namnamei u Göagono. Na katuun te kui beiena e Kristo tara markato teka, e Sunahan na u katuun has e hanige ren.

Ara e töatöa silera tegi kato hasasaala mei a Tsunono. Na nimate has i tarara, a ka peisa noahas tara Tsunono. Te töatöa ria ra tsi te mate ria ra, ara u katuun tara Tsunono.

Na ragi kute sil korui a markato te hagumena a niniganiga na te hatakei hanigeiena a katuun na te hagum haniga rena ra hoboto.

Ara gima ranga sil lele ii a taina katuun tara markato i tanen. Kaba ragi hanöa nitöani te ranga sil menarira a taina katuun bara te kato homi raren turu hakats na tara markato i taren.

I koloto has naia turu Buku u Göagono ba Tsunono e poeiena: “U mana koru alia e hatei ragou limiou, u katuun hoboto e hatukun roua i matar. U katuun hoboto e hatsunone riou romana lia ba nori te poe riou alia lasi a töa e Sunahan.” Ba ra hoboto a man tötöa te hahatei roi e Sunahan a mouna a man markato ti katoeia ra i puta.

Alimiou go las ramuma u katuun a nihamana i taren tema pan bala nei. Kaba möa tu hia raharaha gono meraiam te ka merien u nihamana te halhalina.

Alö a saha mar katuun koru balö te ranga silemou a katunun kui tara tana katuun? A katunun hakui peisa i tanen te tatei poeiena, e kui hanigana tsi e kui homina. Na nonei e kato haniga nou, taraha a Tsunono e antunan taguhe nen.