Popular Bible Verses from 2 Korin 4

Share

Taraha, alam ema taremi a ka te tareier, kaba lam e tarem a ka tema tareri. A ka te tareier, a kana i romana puku, kaba a ka tema tareri, e ka nitöa nou romana.

Pöata te hakats na mia lam a manka teka, alam ema sökanami bate hakapam. E möa. E manana, u tuenrei i tamulam e la puta susuluna, kaba u namnamei i tamulam e hatsimus kakap nitöa naier turu mamana u lan. Na matsi tabubun nomi te kana i tamulam e kato taatago ranei lam a nitöatöa a nigan töa te ka nitöana romana, a nitöatöa te pan bala nanou a mamanaka.

A nomi a para koru e saka rari lam tara mamana makum, kaba lam ema rusmi. Para ka e las ranou lam ba lam te hula hakatsim, kaba lam ema hapolase mi e Sunahan. Alam e roron kute rariou tegi kato homi merai lam, kaba e Sunahan ema tatei hapolasa ranei lam. U katuun e muku hakamits rariou lam, kaba lam ema omi nitöami.

Kaba lam e kamem a manka a man niga teka iahana a tabeli. A ka teka e haröto nena a saha nitagala pan te ka memu lam ema la nameia i tamulam kaba e la nama tere Sunahan.

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.