Popular Bible Verses from 1 Korin 13

Share

A markato te hiangilngil uaier e markato uana teka: u ngil ema tatei sökananei na e tuatamina, na u ngil ema tatei tara ngil nei na ema tatei hangisei nei, nema tatei ranga hapan has nei bate soloseiena a peisanen. Na u ngil e kato hamatsköna tara taina katuun na ema tatei hakats peisa nanei a peisanen pouts, na ema tatei raharaha boroboro nei, na ema tatei tori homi has nei.

U ngil e tagala silena mamanaka, noahasina tara saha ka te butuna. E hamanena mamanaka bate hamana silena tego butu hamana uaien romana, na ema tatei sökana has nei.

U ngil ema sasaala menei te kato homi uaier, e sasaala las mena te kato haniga uaier.

A topisa a ka teka te ka nitöana: a markato te hamana uaier tere Sunahan, na markato te hamana sil menari a manka man niga, na markato te hiangilngil uaier. Kaba markato te hiangilngil uaier te pan saluhena.

A markato te hiangilngil uaier ema antunan kapa nei. Kaba u rangan propet ena kapa nou, na te ranga menari u mamana u mar ranga ena kapa nou, na te ranga menari a niatei ena kapa has nou romana.

Tego antunan ranga menai lia u ranga turu katuun na turu angelo has, ba tema ngile gi a tana katuun, u raranga i tar e here nei a ti te ling pinopinona tsi a belö pan.

Na te ka megia lia a nitagala turu propet, na nitagala tego atei sil menai lia a mamanaka te mousuna na mamana niatei, na te ka megia lia u nihamana te tatei hasula megi lia a man pokus bate moana tu ngil tara tana katuun, alia a katuun papala tuun.

Alia e tatei hala ba negu a mamanaka hoboto i tar, na lia e tatei hala has negu a peisar batena haatser. Kaba tema ngil mena gi lia a taina katuun, a man markato teka ema taguhe noi lia.

Pöata tu tetenei noaia lia, alia u ranga herei a pien, alia u hakats herei a pien, na lia u katoi a markato tara niatei tara pien. Kaba pöata tu pan ia lia, alia u hanöa ban a markato tara pien.