Popular Bible Verses from Paanaiteta 5

Share

Qate paha nokoi kui nokome aimaqi Hoo Dzooba napahoho dzapa qiraiteqi naa usaqe erake hiireta, Buububuu! Nii Ohongaho quba eeteqi abi noo maina paina haba samaneta oorai ma quni ma mani samane nokoke ingonaitareiqi dzuu niimeke perebireta oho qubake nii niiqe gee senginoma geebanoma oke aima geemaquho isaki oorai, dzoobe!

Rome biireqi garuruiqi Hoo Dzooba napahoke hee, Meenipamu, abi niike kabira bagenomaho isakita dzuubetetanita beedzae ma tatanga ma ttuma ma gesina ma dzapa pobi ma agoago ma dzakapa oi gama niihoi keke!

Nii abi samaneke ingonaiteqi hiiremi nokoi Ohongaho quba eeteqi ttiihu barabara abi tupu mina naate ooraiqi ttoka ma haba minarake soopara eetorakoi, uububuu!

Oiqi hiiremi idze! Ana nookami Ohongaho boto popo minara oi qusuna ma katana, ma obana ma torana, ma ika ma ikana, oi gama too teenaite kaitomaqi hiireta, Oore, nee ma bau, beedzae ma tatanga ma dzapa pobi minara oi Ohonga mai poro qerena qoororai ma Khatai abiho Hoo Dzooba naate oorai nopoqaho isaki kekeni!

Tti hiiremi abi mimihota teei ana pobi hiireta, Maqa, eto tti hiibaino. Dzutaho quni ma manihota teei oho isaki oorai oi Tabitiho sooro ma saina noke qesai hee, Dzutaho Raioniqi hiirorai noi suqobidza maikhata. Oonita noi sengi geeba sebeninoma oke geehiqa gee isaitaquho isaki ooraita mooro.