1
Dzakopo 1:2-3
Guhu-Samane: Poro tongo usaqe
ghs
Dzairamane name, nike kaipo qesaqesa saridzorai oke hee, Quba bagenomaniqi hiibaridzo. Oi erake eete oorai. Nike Ohonga ai tataumami torona biranatemi nike oho battigara naatakoi.
Compare
Explore Dzakopo 1:2-3
2
Dzakopo 1:5
Qate teei oho tete saridzaama naataquko, abi noi Ohonga tete quba qasa hiiremi noi bamu oho qoredza eetaquhe, baruna heenata abi minarake tete banaitoraita noi paha abi oke tete banaitakoi.
Explore Dzakopo 1:5
3
Dzakopo 1:19-20
Oho quba, Dzairamane, napai erake qupadzomare. Abi eto pureke noo sepesapeke hiibaino ma teeho dzauba eetaino. Oi abiho dzaubai te Ohongaho pobi naatoraidzara. Qate sinabidzaho meeke gama ao hairiamake nooka qusubaitare.
Explore Dzakopo 1:19-20
4
Dzakopo 1:4
Battigara naate qaamake nikeho oora ma qaara iso keke naate bamu teeta obera naataqu.
Explore Dzakopo 1:4
5
Dzakopo 1:22
Oonihe eto sama nikeme ikobeteqa tomama keke sinabidza nookainohe oke qusubaite qaarare.
Explore Dzakopo 1:22
6
Dzakopo 1:12
Qate abi teei toronata battigara naate qaaraqu oio bagenoma. Oi teeho bahe apenei Ohongaho dzaodzaoke eetorai, Ohongai qaraqaraho barei nokoho matubata dzeebidzakoiqi hiireta. Oonita torona bamu naatemake abi oi oho barei dzeebire qaarakoi.
Explore Dzakopo 1:12
7
Dzakopo 1:17
Torona bahe, ari qidza ma qonoqono bagenoma napaho irina oorai oio pei dzadza Mai napameho neta quratorai. Ma noho tete iso keke ooqi qangata qeemaquho isaki baamunipamu.
Explore Dzakopo 1:17
8
Dzakopo 1:23-24
Oi teei oke tomama nookaqi qusubaitaama naataqu noi abi sama moramorata nese ma pati nome mooqoraiho qesa, mooqa papate ao isaki nome ruume naatakoi.
Explore Dzakopo 1:23-24
9
Dzakopo 1:27
Nookare. Teei iiha ma dzoobidza nomeke soopara eete ttokaho qanga potti biireqi moomi toki mattarumi heme ma bamenoma oomi abi oonomake kokora eete qaaraqu oi bagenoma. Oke Ohonga Mai moomi sinabidza nohoi ikoikoho isaki bamuhe, meenipamu oni.
Explore Dzakopo 1:27
10
Dzakopo 1:13-14
Oho quba qangaho torona biranahimi eto teei hee, Naane quba Ohongai ana oho toronaisubiqi hiibaino. Oi teei Ohongake qangama toronaitaquho tete baamu. Oho qesa Ohongai teqaha abike qangama toronaitoraidzara baamunipamu. Abi noomaeho dza oi noke ikobete qangata dzeimami torona ooqata biranatorai.
Explore Dzakopo 1:13-14
11
Dzakopo 1:9
Qate abi sepe teei nooka hiisi eetemi Ohonga noke ai qusubaitemi noi oho quba qaki naataridzoni.
Explore Dzakopo 1:9