Popular Bible Verses from Mako 11

Share

Pakuti pali fyefyo, ndukumuŵuleni ati: Ifintu fyonse ifi mukalomba, pakulukutembela, kamucetekela ati kale mwapoka; peŋka fikalukuli fyenu.

Icinenene ndukumuŵuleni ati: Aŵantu ŵonse ukalaŵila kulupili ulu ati—Wime, uposwe mwisiŵa! —ukaŵulo' kukanika mumutima wakwe, sombi ukacetekela ati ifyo ifi alaŵile fikacitwa, uyo akasumininwa.

Lomba impindi syonse pakwima ukutembela, kani umbi ali nemulandu kuli mweŵo kamumufitulucila, ati ŵaWisinwe naŵo aŵali kwiulu ŵakamufitulucileni namweŵo ifyakusilulula fyenu.

Naŵo ŵaYesu ŵaliŵaasucile ati: Kamucetekela muli ŵaLesa.

Kaŵili ŵalukusambisya, nekulaŵila kuli ŵo ati: Kansi tafyalilembelwe ati: Inanda yanji ikalukwilikwa niŋanda iyakutembelela-mo aŵantu aŵamufyalo fyonse? sombi mweŵo mwayalula liceŋgo lyawano.

Peŋka aŵo aŵatanjile neŵapanuma ŵalukuŵilicisya ati: Osana! Ŵalicindeme Aŵo aŵalukwisamwisina lyaŵaYawe!

Ŵulicindeme uŵufumu bwakwe Dafidi wisifwe, uŵulukwisa! Osana kwiulu kwancimbwe!