Popular Bible Verses from Matayo 5

Share

Kaŵili aŵantu taŵaambusye'nyale nekwiifunicila mucitundu, koku; sombi ŵaleŵika pacakuteka-po; eli iŋgawatuwila ŵonse awamuŋanda. Fyopele'fyo namweŵo ukutuŵa kwenu ŋgakutuwe kuŵantu, ati ŵakaŵone'milimo yenu iweme, ŵalemye ŵaWisinwe aŵaKwiulu.

Mweŵo muli kutuŵa ukwamucalo capansi. Umusi uli palupili tawisi ukufiswa.

Ŵalisyucile aŵaswetele mumitima, pakuti ŵo ŵakaŵaŵona ŵaLesa.

Walisyucile aŵalukumfwe'nsala necilaka icakuluŋgama, pakuti ŵo ŵakekuta.

Sombi neŵo ndukumuŵuleni ati: Mulukutemwa neŵapate ŵenu, nekuŵatembelela kuli ŵaLesa aŵo aŵamupensyeni

Ŵalisyucile awapeŋgele mumitima, pakuti Uŵufumu bwaKwiulu bwaŵo.

Ŵalisyucile aŵalamwisi, pakuti ŵo ŵakelikwa ŵana ŵaŵaLesa.

Ŵalisyucile aŵalukuŵombomana, pakuti ŵo wakasaŋgalala.

Ŵalisyucile aŵo aŵakululucile pakuti pakuluŋgama, pakuti ŵo Uŵufumu bwaKwiulu bwaŵo.

Ŵalisyucile aŵo aŵali neŋkumbu, pakuti ŵo wakapoke'ŋkumbu.

Mweŵo mulisyucile pakulukumutoŋgaleni aŵantu, nekumukululusyeni, nekumufumbucileni pakuti pali neŵo. Saŋgalaleni, mulukusembo'kwakuti, pakuti ukulambulwa kwenu ukwakwiulu kukulu; pakuti fyopele'fyo efi ŵalukuŵakululusya akale aŵakusimika aŵamutanjilileni.

Ŵalisyucile aŵatekenye, aŵalicefesye; pakuti ŵo ŵakapyane'calo conse Icapapsi.

Mweŵo muli mucele uwamucalo capansi; sombi kani umucele waleka ukukuma kwa uko, mbanikundo ukakumisiwa? uyo lomba ukaŵa finaŋgwa, fyelelwe ukufiposa pesonde, aŵantu nekulukunyantala-po lukoso.

Pakuti pali fyefyo, muŵe ŵawaminine, koti nifyopele'fyo ifi ŵaWisinwe aŵaKwiulu ŵawaminine.

Sombi ukulaŵila kwenu kuwe Inya! Inya! Koku! Koku! pakuti fyonse ifyakulu nda-po pali fyefyo fyakuŵifya.

Mwaliumfwile ati fyalilaŵilwe ati: Umulandu walinso walinso, umulandu walino walino: sombi neŵo ndukulaŵila kuli mweŵo ati: Tekulwa nembifi, sombi aŵantu ŵonse uwakukupama palutoŵo lwalwine, koteya-ko nalumbi nalo kuli ye.

Popele kani ilinso lyoŵe ilyakulwine lilukukututwisya, uliloŵolemo, ulipose; pakuti filikwelelwe weŵo ati icileŵa cimo icamuŵili woŵeconaike, ukucila napakuposwa umuŵili woŵe uŵuluŵulu muGeena. Kaŵili kani ukuŵoko koŵe ukwalwine kulukukututwisya, ukupinike-ko, ukupose; pakuti filikwelelwe weŵo ati icileŵa cimo icamuŵili woŵe conaike, ukucila napakuya umuŵili woŵe uŵuluŵulu muGeena.