Popular Bible Verses from Malaci 3

Share

ŴaYawe ŵamaŵumba ŵalukulaŵila ati: Leteni fyonse ifyapamakumi muŵutala, ati mukalukuli ifyakulya muŋanda yanji; lomba muŋgesye neŵo kuli fyo, kani nsikamwiswileni utumbeluka utwamwiulu, nekumwitulwileni isyuko ilyakuŵula-po nemwakuliloŋgelela.

Peŋka ŋkasikanya insye isilukulisya, pakuti pali mweŵo; lomba tasikonala ifisepo ifyakumusili wenu; kaŵili imifaina yenu taikaponya ifisepo fyaiyo mwiŵala ili taiŋgafika impindi; efilukulaŵila ŵa Yawe ŵamaŵumba. Popele imisyoŵo yonse yaŵantu ikamweŵeni ati mulisyucile; pakuti mukalukuli calo cakutemwesya; efilukulaŵila ŵaYawe ŵamaŵumba.

ŴaYawe ŵamaŵumba ŵalukulaŵila ati: Ŵakalukuli ŵanji, emakweŵo anji pakasuŵa'ko aka ŋkacita-po imilimo yanji; lomba ŋkawapulusya, koti nifyefyo ifi umuntu aŋgapulusya umwana wakwe umwalalume ulukumupyunjila. Telyo muŋgawona liŵili ukupusana pakati pali woyo uluŋgeme nawoyo uwakuŵifya, napakati pali woyo ulukuŵapyunjila ŵaLesa nawoyo utaalukuŵapyunjila-po.

Ŵoneni, ndukutuma iŋkalamba yanji, nayo ikaansika insila pamenso anji; lomba ŵakapwalamucila ukwisa kwitempuli lyaŵo ŵaSikulu aŵo mulukufwaisya; kaŵili iŋkalamba yakulayana iyo mulukutemwesya, ŵoneni, ilukwisa; efilukulaŵila ŵaYawe ŵamaŵumba.