Popular Bible Verses from Rom 5

Share

amge ig am hipunin danab daautut, Kristus Nug ihinignu mauhom, amuppa Kayak Nug ihinignu oo mauhtte amu, Nug ig ippunigtte.

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Ig amunuib maɗoɗppan gamag ahak ii doottem. Iitta. Uug laa beɗunigppa uɗitte, amuppa ele ig maɗoɗppan gamag ahak doottem. Aɗinu? Ig doottem, ig uug doopput, uug amu ag ig oonig ɠagattag qedappeg, ig uug doyaya eɗittaknuib dabmak awak danab bekkunig. Amu ig anam beta hebupput ukkeb amu, ig danab diig ena ele bekkunig. Aria, ig amubia ele beta hebupput ukkeb amu, ig keeke ena bekkunu dabmak aɗa dayak danab bekkunig.

Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem. Ig oonigppa genab doout, Naɗi Jesus, nuhig uɗat okkaippa, ig Kayaknu ehanittak okkai hamu megatte ele amu aot, ɠagattag daattem. Amu ig Nug ele hab aabppa enanagnab daagnignu ameg meta, ig maɗoɗppan gamag ahak doottem.

Antteg! Anukka ig ɠagattag iitta daamut, haen amuppaib Kristus Nug ig danab, ig Kayak dimettamut ele amu, ig eɗua awigkkunu mauhom.

Kristus ig ounig mauha, Nug tiig gokkaɗom amunu, ig ib amuppa genab tutukku hak danab bemut daattem. Aria, ig nau daautut, Kristus ehanikkom dayeb amu, gemu Nug Kayaknu oppoɗi bak, Nug ig amuppanu genabnab genab iite eɗua awigkku? Yo, Nug eɗua awigkku.

Danab laippu nug nai tappe neum, kobol nau nuhig amuppa ⌊Nug ib ooɗe,⌋ danab kuɗum ag hipunin danab daatteb. Amubia danab laippu laa Nug nai dim lamittom, kobol ena nuhig amuppa ⌊nug ib ooɗe,⌋ danab kuɗum ag geha ag genab tutukku hak danab daaglag.

Amuib iitta, ihinig Naɗi Jesus Kristus Nug he, ig Kayak ele oonig laippu ele daattem amunu, uɗat nuhig amuppa gemu ig Kayaknu maɗoɗppan gamag ahak doottem.