Popular Bible Verses from Eksodas 15

Share

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Yawe Nug nukka da ɠagattag iukkunu dootte; Nugib da ehaniɗtte amunu, da gamag ahak doye, ahi edattem. Nugib da ehaniɗe, da padal ii mettem. Nug am dahil Kayak, da Nug onig humakkul. Nug am da mamelnu Kayak, da Nug binag okkai humakkul.

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Na nahip oo mauhaknab kobol dim lamidnana, na ig Israel, ig Isip dilag begbeg maɗi nidnu qagaiettakppanu eɗua uhuqak hen mekkana, na ig eleleib omaigkkut. Ao, na nahip ɠagattag, na amuppa na ig omaigppe, ig aben nahip, aben amu nahipnu tituanak daatte, ig amuppa gokkunig.

Ag anam oiyona, ag gona, le laa onig Mara teppig, amge le amu lanaknu am nau, oɗelag ninig qeum amunu, ag lakkulagnu elele iitta. Diig amunu le amu onig am Mara. Ag le amu lakkulagnu elele iitta amunu, danab ah ag Mosesnu naittuɗ menan, nug oɗ medappig. “Ig le baanig diitte. Ig aɗi lakkunig?” aon appig. Ag anam heeg, Moses nug Yawe ɠagattag unuqitte, amu Yawe ad laa ippunittom. Ippunitte, Moses nug ad amu awa, leppa mawe no, le amu aakku lanaknu baag elele ba, ena dayom. Amu aben amuppa Yawe Nug Israel aɗi ag ma anttak madatta, Nug ɗo laa ele ag mattom.