Popular Bible Verses from Eksodas 11

Share

⌊Amu gatatu teppu ele amu na dayeye, haen amuppa⌋ Yawe Nug Moses amegppa inam aum. “Da geha Paro, amu nuhikkud danab ele, da ag uug naunab laippu laa ele madakkul. Madappi, amu dimppa nug geha paɗatteb gokkulag. Aria, haen nug paɗatteb gokkulag amu, nug oo maɗoɗ ele dayaya, ag uuatteb ii gomana. Iitta. Nug geha ag wan imuppan oh lamatteb gokkulag

Da oippippi amu, Isip dilag nid danab tatamnu amu, ag oh mauhadkkulag. Mauhak amu Isip danab oh tonadkku. Ge! Paro, nug king abenppa daatte, nuhig nid danab tatamnu amu, nug mauhkku. Amu Isip danab ah laa oh ele, laa ag okkai daatteb, laa ag nakok okkai daatteb, amu laa ag okkai iitta daatteb ele, ahilkad nid danab tatamnu amu, ag oh ele mauhadkkulag. Anam ukkeb ukkeb, begbeg maɗi ah bret haknu ee aeg ganuɗtteb ele, ahilkad nid danab tatamnu amu, ag ele mauhadkkulag. Amu doɗ makau keeke, nalkad ⌊dawai⌋ tatamnu ele, ag mauhadkkulag. Am laih Isip ohppa danab ah oh ag geha uug okkainab doonna, huanak qanaglag. Anukka qanak anam laa Isip wanppa ii beum; amu dimppa ele, anam baula ii bema.

Yawe Nug matu keeke amu oh ii nak haenppa Moses amegppa ⌊nai laa aum amu, nai amu aakku meu oum.⌋ Nug aum. “Paro nug geha nahip nai ii doya hekku. Nug anam hekku, diig amunu da geha uɗat ɠagattagnab ele, da amu laala Isip dilagppa hekkul,” awa aum.