Popular Bible Verses from Filipai 3

Share

Yekipu elpech, yek ati yakli yek watak ilawen iyaten e enyudak pasin, watak. Yek yasuh enyudak atin tinytin. Enyudak. Yek ayakliwakuk chanatimaguk enechi enech likukichi echudak ali yapemu yenek moul dodogowiwe atuwe yasahul yanak umu itoglu mag ali ilau nebenyi yeul. Ilau nebenyi yeul umu douk namudak. Yenek pas Krais Jisas, anan nagakome ali God nohwalemu iltomu iluh heven ikih inubu inu anan wupe kalbu eheh nyumneh.

Yek yanubu yakli idukemanu kalbu Krais. Anan douk nagak ali God dodogowinu atunu wata nanahul naitak nape. Yek yatik namudak ali yakli igamu idukemech umu agundak anan nanubu dodogowinu atunamu. Yakli inanu wunechlepamu agundak wumnek nyih umu ali chopuk yakli isuh enyudak atin tinytin kobi anan nahwen ali dakio nakli wosik umu echech chonu nugak umu. Yek yakli adul inek namudak umu inubu idukemech umu yek chopuk kwali God eke wata niyahul itaki iwagu.

Yek wo iklimu enyudak pasin atin e, wak. Yek yadukemech umu Krais Jisas anan douk yekinu Diginali ali yadukemech umu enyudak douk nyanubu adulin atin. Yek ayalau Krais ananin pasin ali ihechumali echudak enech douk awak idalehech e, wak. Yek yakli inek bilip umu Krais atunu

Wakuli nameitu, yek douk ulkum molomu Krais ali enyudak ihenyumali pasin likuk yakli eke nyugakome uli, nameitu yek douk awak idalehen e, wak.