Popular Bible Verses from 1 Korin 3

Share

Ipak panatimaguk douk pape kobi God ananitu nebetali wilpat umu. Ali ananin Michin douk nyape numun ipakiluh apaluh. Ipak padukemu enyudak waka wak?

Umu moneken, ipak padukemech, God douk anasapu Jisas Krais nape nalik kobi douk amudak susubeim utam douk masah wobalatu wilpat uli. Douk namudak ali eke kobi enen elpen dodogowin umu nyubuk anam kipaimi utam alagun umu musah wilpat umu, wak.

Douk namudak ali enyebuk nyau kakwich uli nyunu enyebuk douk nyechuh abal uli echech biech douk yeguh wakech. Wakuli God atunu douk nenekech chatogloluli anan atunu douk nebenali ali yeul nyakihanu.

Umu moneken, ohwak biyohwu douk wanu God monechlepamu monek ananin moul. Ali ipak kobi douk God ananigu nohobigamu. Ali ipak chopuk douk pape kobi God ananitu wilpat umu.

Ali sapos enen elpen nyukwu gol o silva o dudukabal utabal douk chatalubal nebebali utabal uli o lowas o wolul o alipi wichap umu nyulak atudak wilpat umu, ahabuk nyumnah Krais nutanamali ahi, echech atin ati echechin moul eke nyutoglu yopugunmu. Ali echech eke chutulin ali chudukemech umu enyen douk yopinyi waka yowenyi. Ali ahabuk nyumnah Krais nutanamali ahi, eke hunali nyih hunaki. Ehudak nyih eke hunu moul chunatimaguk elpech atin ati cheneken ulimu hichakomen umu huwolehenyumech. Ali echech chudukemech umu echechin moul douk yopinyi waka yowenyi.

Enyebuk elpen douk nyau kakwich uli nyanu enyebuk douk nyechuh abal uli echech biech douk chasuh atin tinytin ali chenek atin moul uli. Ali echech biech, atin ati eke chulau echechin pe nyunokwnumu enyebuk moul echech cheneken uli.

Ipak kobi punek loh umu ipak yet, wak. Sapos ipak enen elpen nyukli enyen douk nyanubu nyadukemech uli elpen kobi douk apudak atapichi elpech chaklimu, enyen imas nyunek namudak. Susubati enyen imas nyutanamu nyutoglu enyudakmali elpen douk apudak atapichi elpech chohwalen lahahainyi uli iyuh. Ali enyen eke adakio nyutoglu nyanubu nyadukemech uli elpen.