Popular Bible Verses from Erubasa 22

Share

Kinahanglan he ibansey ta ziyà te menge vatà is menge ulaula, he zait he ed-ul-ulahan, ne emun ebmeǥurang en sikandan, ne kenè dan edsuwey zutun.

Pinaaǥi te kenà kebpelavew te etew wey te kedtehuza zin te NENGAZEN, egkehimu he egkaangken din is dekelà he ketiǥeyunan, meupiya he zengeg, wey keluǥayad te untung.

Is meupiya he zengeg lavew pa he meupiya he ebpilien kenà is dekelà he ketiǥeyunan. Is kedtehuza kenita te menge etew ne lavew pa he meupiya kenà is kegkeengkena ta te pelata wey vulawan.

Kenè ka mebpekid-emiǥu te etew he melemu egkepauk

Edtuvazan te NENGAZEN is etew he kelelaǥan, su edtelewizen din is menge pubri.

Is etew he uluwanen, egketuenan din te edlikey emun duen kemereǥenan he ebpekesuǥat kandin, iyan, is etew he wazè din utew emet ne kenà ed-eliǥu zutun, umbe ebpekebmereǥen sikandin.

Is menge egkengaayuayu ne egkeveyveyaan te menge sepian, ne is menge ebpengutang uripen te menge neutangan dan.

Is sepian wey pubri pudu midlimbag te NENGAZEN.

Kenè ka pemintahà te menge pubri, wey kenè nu sikandan pegpeǥesa ziyà te hukmanan, su is NENGAZEN iyan edlavan kandan. Emun hengkey is ebeelan niw ziyà te kandan he kenà meupiya ne iyan daan ebeelan te NENGAZEN diyà te keniyu.