Popular Bible Verses from Leviticus 26

Share

Eduma a keniyu ne iyan a egkehimu he Megbevayè niw ne ebpedayun is kegkehimu niw he menge etew ku.

ebpeuzanan ku sikiyu zutun te hustu he timpu su wey mebeǥey te sebpet is tanà ne ebpekepemeǥas is menge kayu.

Emun edtumanen niw is menge sulunuzen he ibpesunud ku wey menge suǥù ku

Edhimuwen ku he melinew is lugar niw, umbe ebpekelipezeng kew he wazè niw igkahandek. Edsegseǥen ku is dumezaas he menge langgam, wey wazà menge kuntada he edsurung keniyu.

Ed-eturen ku sikiyu ne ebeǥayan ku te mahabet he menge kevuwazan su wey ku metuman is kebpekid-uyun ku keniyu.

Iyan a kes NENGAZEN he Megbevayè niw he mibpeǥawas keniyu puun te Ehipto su wey kew kenè en meuripen te menge Ehiptohanen. Mibeǥayan ku en sikiyu te vayàbayà umbe wazè en ereg he igkeeled niw.

Ed-ubpà a zuma keniyu ne kenè ku sikiyu idselikwey.

Kenè kew mebaal te menge ed-ezapen iring te ledawan, tedeman he vatu, etawa mibpurma he vatu, he ed-ezapen niw, su iyan a is NENGAZEN Megbevayè niw.

Tenged te kezekelà te menge abut niw, kenè niw pa egkaamin te egkaan is egkehuna he menge abut niw, ne igkaawà niw zà heini ziyà te midteǥuan niw zuen su ed-ilisan niw te veǥu he sebpet.

Is 5 keniyu ebpekezaag te 100 ne is 100 keniyu ebpekezaag te 10,000.

Egkehimu he utew zekelà is sebpet niw ne minsan is timpu te kegunas niw te menge pungu ebpekeuma pa taman te kebpenrupù te beǥas te menge paras, ne is timpu te kebpenrupù niw te beǥas te paras ebpekeuma pa te timpu te kebpemula niw. Umbe ebpekevayèbayè kew te kegkaan niw ne ebpekepengungubpaan kew pa he melinawen diyà te lugar niw.

Iyan kew edsurung te menge kuntada niw ne ebpenhimetayan niw sikandan.

Tumana niw is ebpeveelan ku keniyu zutun te Andew te Kedhimeley wey tehuza niw is lugar he zutun a keniyu ed-ezapa. Iyan a kes NENGAZEN.