Popular Bible Verses from Josue 10

Share

Umbe, midpundu is andew wey is bulan taman te nezaag te menge Israilihanen is menge kuntada zan. Heini he hitavù ingkesurat diyà te Libru ni Jashar. Mibpundu is andew ziyà te tengàtengà te langit, ne wazà heini medsanlep te senge andew.

Dutun te andew he mibpengelinteuwan te NENGAZEN he mezaag te menge Israilihanen is menge Amorihanen, mid-ampù si Josue ziyà te NENGAZEN diyà te etuvangan te menge Israilihanen, ke sikandin te: “NENGAZEN, ipepundu nu is andew ziyà te zivavew te Gibeon, wey ipepundu nu is bulan diyà te Suǥud he Ayalon.”

Wazè pa nehitavù he iring kayi te midineg te NENGAZEN is iring keniyan he ampù te etew. Tutuu iyan he nekidtebek is NENGAZEN para te Israel.

Ne migkaǥi is NENGAZEN diyà te ki Josue te, “Kenè ka mahandek kandan. Imbeǥey ku en sikandan kenikew. Wazà minsan sevaha kandan he ebpekezaag kenikew.”

Migkaǥi si Josue ziyà te kandan te, “Kenè kew mahandek wey luyahi. Mebpekelig-en kew wey mebpekevurut. Su iyan heini ebeelan te NENGAZEN diyà te langun he menge kuntada niw.”