Popular Bible Verses from Zatù 6

Share

Ne mibpaahà ki Gideon is belinsuǥuen te NENGAZEN ne migkaǥi te, “Sikew is mevurut wey mezesen he etew, duma nu is NENGAZEN.”

Ne migkaǥi is NENGAZEN diyà te kandin te, “Genat ka ne ǥemita nu is tivuuk he zesen nu te kedlibri te menge Israilihanen puun te ǥehem te menge Midianhen. Iyan a midsuǥù kenikew.”

Migkaǥi is NENGAZEN te, “Edtevangan ku sikew, ne egkehimu nu te edezaat is menge Midianhen he henduen te ebpekidtebek ke zà te sevaha he etew.”

Midtavak si Gideon te, “Datù, emun duma zey is NENGAZEN ne maan is iring kayi is kebpekesavuk dey? Maan is wazà sikandin mebaal te egkengein-inuwan, iring te mibeelan din dengan hein impeǥawas din puun te Ehipto is menge kepuun dey, sumalà is netudtul zan kenami? Iyan, guntaan mibey-anan key en te NENGAZEN ne imbeǥey key zin diyà te menge Midianhen.”

Midtavak si Gideon te, “Nengazen, ebmenmenuwen ku te edlibri is menge Israilihanen te iyan kinemeluyahan he pemilya ziyà te tribu ni Manase is kenami he pemilya, ne iyan a kineminusan diyà te pemilya zey.”

Dutun he timpu nekeuma is belinsuǥuen te NENGAZEN diyà te Ofra. Mibpinuu sikandin diyà te sihung te kayu he ulayan he ǥaked ni Joash te kevuwazan ni Abiezer. Dutun he timpu si Gideon he anak ni Joash egunas te trigu ziyà te seled te keresà te paras su para kenà maahà te menge Midianhen kes trigu.

Ne mibaal zutun si Gideon te pemuhatà para te NENGAZEN ne migngezanan din haazà te, “Ebeǥey te Kelinew is NENGAZEN.” Ne taman en guntaan kemulu heini he pemuhatà diyà te Ofra, diyà te tanà te menge kevuwazan ni Abiezer.

Midtavak si Gideon te, “Emun nekepenunuat a kenikew, ne ipaahà a kenikew te tuus he tutuu he iyan ka midsuǥù kedì.

Piru migkeǥiyan sikandin te NENGAZEN te, “Mebmelinawen ka. Kenè ka mahandek su kenè ka ebpatey.”

Ne mibaal en maan is menge Israilihanen te mezaat diyà te etuvangan te NENGAZEN, umbe impesakup sikandan te NENGAZEN te menge Midianhen seled te pitu he tuig.