Popular Bible Verses from Isaias 6

Share

Ne nezineg ku is laǥeng te NENGAZEN he migkaǥi te “Hentei vuwa is edsuǥuen ku? Hentei vuwa is edhipanew para kenami?” Midtavak a te, “Heini e zed! Iyan a suǥua.”

Ne ebpekegkeǥiyà sikandan te: “Waǥas, waǥas, waǥas is NENGAZEN he Mekeǥeǥehem he is kebpekiduma zin nekeeneb te tivuuk he kelibutan.”

Ne migkaǥi a te, “Mekehizuhizu a! Su kenà duwazuwa he edezeetan a, su mezaat is ebpengeǥiyen ku wey is menge etew he emurè ku, mezaat daan is kandan he ebpengeǥiyen. Ne ǥuntaan neehè ku is Hadì he iyan is NENGAZEN he Mekeǥeǥehem.”

Dutun te tuig te kebpatey ni Hadì Uzia, neehè ku is NENGAZEN he ebpimpinuu ziyà te metikang he pinuuwà te kedhadì. Is melayat he visti zin nekeeneb duen te valey te NENGAZEN.

Ne indegkit din haazà diyà te vèbè ku; ke sikandin te, “Indegkit heini ziyà te vivig nu, ne ǥuntaan wazè nu en salà su mibpesaylu ke en.”

Duen menge ilengiten he linimbag he ziyà dapit te ulu zin. Ne is kada sevaha zutun, ne heenem is pakpak din: is dezuwa he pakpak dan neketambun diyà te vuked dan, ne is dezuwa neketambun te menge paa zan, ne is dezuwa pa egemiten dan te kedlayang.

Ne zutun is sevaha zuen te menge ilengiten he linimbag din, midlayang pehendiyà te kedì is ed-uwit te vaǥa he midsipit din diyà te pemuhatà.

Ne migkaǥi sikandin te, “Genat ka ne keǥiyi nu is menge etew ziyà te Israel te, ‘Edsigudu kew zà ebpemineg, piru kenè kew ebpekesavut. Edtulung kew zà edtengteng, piru kenè kew ebpekaahà.’ ”

Ne migkaǥi pa sikandin te, “Ipemezesen nu is gehinawa kayi he menge etew. Himuwa nu sikandan he vengel wey lakap, su kela ke mekeehè dan wey mekezineg, ne ebpekesavut sikandan ne edlikù dan kayi te kediey, ne egkeulian sikandan.”