Popular Bible Verses from Isaias 19

Share

Ebpenubtuvazan sikandan te NENGAZEN he Mekeǥeǥehem he edhenduen te, “Ebpenubtuvazan ku is menge Ehiptohanen he menge etew ku, is menge Asiryanhen he menge linimbag ku, wey is menge Israilihanen he ǥaked ku.”

Egkehimu heini he tuus wey pengintutuu he zutun is NENGAZEN he Mekeǥeǥehem te tanà he Ehipto. Emun ebuyù te tavang is menge Ehiptohanen diyà te NENGAZEN tenged te kebpeentusa wey kedèdaaǥa kandan, edsuǥù sikandin te ebpekelibri wey ebpekepengalang kandan.

Heini he menge lalag ne mehitenged te Ehipto: Pemineg kew! Ed-untud is NENGAZEN te meǥaan he ǥapun su edhendiyà sikandin te Ehipto. Ne emun ebpekeume en, ne ebpengerkeren te kegkahandek is menge ed-ezapen diyà te Ehipto, ne egkeheratan is menge Ehiptohanen.

Dutun he timpu ebengunen is pemuhatà para te NENGAZEN diyà te teliwazà te tanà he Ehipto, ne ibpelastar zaan is tedeman he vatu ziyà te dulunà kayi.