Popular Bible Verses from Isaias 12

Share

Sikew Megbevayà, iyan ka menluluwas ku. Edsarig a kenikew ne kenà a egkahandek. Iyan ka, NENGAZEN, mibeǥey kedì te zesen, ne iyan ka egkentahan ku. Iyan ka midlibri kedì.”

Iring te ebpekeveǥey te kelipey is wahig he meǥenew te egkemezahan, ne egkelipey kew ke edluwasen kew en te NENGAZEN.

Kentahi niw is NENGAZEN su ǥeina te egkein-in-inuwan is menge mibeelen din. Ipetueni niw heini ziyà te tivuuk he kelibutan.

Emun egkeuma en haazà he andew, ne egkanta kew te: “Deliǥa niw is NENGAZEN! Ezapa niw sikandin! Tudtula niw ziyà te menge etew is menge vaal zin. Penudtul kew he ereg sikandin he edeliǥen.

Emun egkeume en haazà he andew megkanta kew te: “NENGAZEN, edeliǥen ku sikew. Nepeukan a kenikew, piru ǥuntaan naawè en is pauk nu, ne edlipeyen a kenikew.

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”