Popular Bible Verses from Exodus 14

Share

Su iyan is NENGAZEN ebpekidtebek para keniyu. Ne kenè en kinahanglan he iyan kew ebpekidtebek.”

Ne midtavak si Moises te, “Kenè kew mahandek. Pekelig-en kew ne egkeehè niw is paaǥi te NENGAZEN te kedlibriya zin keniyu ǥuntaan he andew. Su heini is menge Ehiptohanen he egkeehè niw ǥuntaan, ne kenè niw en sikandan egkeuman egkaahà.

Ivayew nu is tuked nu ziyà te zivavew keniyan te zaǥat su wey meluwisi is egkezalandalan he tanà diyà te zizalem keniyan te zaǥat su para zutun ebayà is menge Israilihanen.

Ne hein naahà te menge Israilihanen is dekelà he ǥehem te NENGAZEN he impeehè din pinaaǥi te mid-ulaula zin, ne neteǥuan sikandan te kedtahud te NENGAZEN wey te kedsarig diyà te kandin wey ziyà te ki Moises he suluǥuen din.