Popular Bible Verses from Megwewali 12

Share

Ne ǥuntaan te nevasa nu en heini is langun, ne iyan heini penapus he egkeǥiyen ku kenikew: Tehuza nu is Megbevayà wey tumana nu is menge suǥù din, su iyan heini ketengdanan te kada etew.

Su edhukuman kiw te Megbevayà pinaaǥi te langun he menge vaal tew, meupiya etawa mezaat, ragkes en is meeles is ked-ul-ulaha tew zuen.

Tentenuzi nu is Midlimbag kenikew mintras betan-en ke pa, zutun te kenè pa egkeuma is timpu te kelised he zutun ebpekekaǥi ka te, “Wazà a melipey kayi te kebpengungubpaan ku.” Tentenuzi nu sikandin te kenè pa ebmerusirem diyà te kenikew is kerayag ta andew, bulan wey menge vituen, wey kenè pa ebmerusirem diyà te kenikew is nekeliǥuy kenikew he henduen be te layun ebmerusirem tenged te ǥapun.

Umbe, tentenuzi nu is Megbevayà te wazè ke pa mebpatey, zutun te kenè pa egkevidtew is pelata he kedina wey kenè pa egkaawa is bulawan he teleǥuey, etawa zutun te kenè pa egkevidtew is hiket te tivud he idsekilut diyà te teheb, ne egkerupet haazà is tivud. Edlikù ka ziyà te tanà he iyan mibpuunan nu, ne sikan is gehinawa he mibeǥey kenikew te untung ne edlikù diyà te Megbevayà he iyan mibeǥey kayi.

Siak is megwewali egkaǥi te, “Wazà iyan pulus! Wazà iyan pulus kayi te langun!”