1
Deuteronomio 7:9
Manobo, Western Bukidnon OT
mbbOT
Isipa niw he is NENGAZEN he Megbevayè niw, iyan dà Megbevayà. Egkeseriǥan sikandin he Megbevayà, ne edtumanen din is kebpekid-uyun din he iyan is kebmahala zin te mahabet he kevuwazan he ebmahal kandin wey edtuman te menge suǥù din.
Compare
Explore Deuteronomio 7:9
2
Deuteronomio 7:6
Su sikiyu he menge etew insivey kew he para zà te NENGAZEN he Megbevayè niw. Diyà te langun he menge etew, iyan kew mibpilì te NENGAZEN he Megbevayè niw he para mehimu he ispisyal he menge etew zin.
Explore Deuteronomio 7:6
3
Deuteronomio 7:8
Mibpilì kew zin su geina te mahal kew zin wey edtumanen din is penangdù din diyà te menge kepuun niw. Umbe impeǥawas kew zin diyà te Ehipto pinaaǥi te zekelà he ǥehem din, ne migaud kew zin puun te kegkeuripena keniyu te Faraon he hadì te Ehipto.
Explore Deuteronomio 7:8
4
Deuteronomio 7:7
“Mibpilì kew wey mibmahal kew te NENGAZEN, kenà tenged te edhuna kew he mahabet kenà te zuma he menge etew, su iyan kew pa ganì kinezeisayan te langun.
Explore Deuteronomio 7:7
5
Deuteronomio 7:14
Edtuvazan kew zin lavew te zuma he menge etew. Diyà te keniyu, wazà maama he kenà egkehimu he ebpekepaanak wey wazà bahi he kenà egkehimu he ebpekaanak, ne iring din ded daan is menge uyaǥen niw.
Explore Deuteronomio 7:14