Popular Bible Verses from 2 Samuel 12

Share

Ne migkeǥiyan ni David si Natan te, “Nekesalà a te NENGAZEN.” Midtavak si Natan te, “Mibpesaylu ke en te NENGAZEN, ne kenè ke zed ebpatey kayi he salà.

Ne maan is wazè nu tumana is menge lalag ku ne iyan nu maan heini mibeelan is kenè ku igkesuat? Mibpehimetayan nu si Uria he Hitihanen diyà te tebek; mibpehimetayan nu sikandin te menge Amunihanen, ne mid-aǥew nu pa is esawa zin.