Popular Bible Verses from 2 Hadì 2

Share

Ne hein nekelayun dan en, migkeǥiyan ni Elias si Elisha te, “Hengkey is egkesuatan nu he ebeelan ku kayi te timpu he wazè e pa iawà diyà te kenikew?” Midtavak si Elisha te, “Egkesuatan ku he metakep is gehem nu he egkesunud ku.”

Ne zutun te kedhipanew zan he ebpelelaǥà, neketik-ew mekeuma is kerwahi he hapuy he eguyuzen te menge kudà he hapuy. Mibayà heini ziyà te pid-elangan dan, ne imbpedsuwey zin sikandan, ne mid-uwit si Elias pehendiyà te langit pinaaǥi te eribpures.

Migkaǥi si Elias te, “Mereǥen heeyan is ebuyuen nu. Piru egkezawat nu heeyan emun egkeventayan nu is kegkuwaa kedì, piru emun kenà, ne kenè nu heini egkezawat.”

Ne inlagkut din diyà te wahig sikan is samput ni Elias ke sikandan te, “Hendei en is NENGAZEN he Megbevayà ni Elias?” Ne hein mibeelan din haazà, ne neluwisan dutun is nezalandalan he tanà ne segugunà sikandin midlayun.

Ne naahà heini ni Elisha ne nekevensag sikandin te, “Amey ku! Amey ku! Is menge kerwahi wey is ebpen-untud te menge kerwahi te Israel!” Ne hein wazè din en maahà si Elias, midliwazè din bindasa is kumbalè din su ibpeehè din he neseeng sikandin.

In-awà ni Elias is samput din ne midlumpì din, ne inlagkut din diyà te wahig. Ne neluwisan is nezalandalan he tanà ne zutun dan mebayà is edlayun.

Hein hapit en ebetuna te NENGAZEN si Elias pehendiyà te langit pinaaǥi te eribpures, ne midhipanew si Elias wey si Elisha puun te Gilgal.