Popular Bible Verses from 1 Hadì 19

Share

Ne hein mid-engked is linug, duen hapuy he neretem, piru wazà gihapun is NENGAZEN dutun te hapuy. Ne hein wazè en haazà is hapuy, duen utew menaney he laǥeng he henduen dà te naasnaas.

Ne midhendiyà mulà sikandin te sibsivayan he senga andew is hipanew zin. Mibpundu sikandin he ebpimpinuu ziyà te lempek te kayu, ne mid-ampù he mebpatey en sikandin. Migkaǥi sikandin te, “Subre en heini NENGAZEN! Kuwaa nu en is untung ku, kenà a zeyzey te menge kepuun ku.”

Migkaǥi is NENGAZEN te, “Gawas ka ne hitindeg ka ziyà te etuvangan ku ziyà te puntur kayi te vuntud, su edsaǥad a.” Ne zutun nengeramag te utew mevandes he nekeǥadgad te menge vuntud wey nekelekat te menge vatu, piru wazà dutun te keramag is NENGAZEN. Ne hein mid-engked is keramag, midlinug piru wazà gihapun is NENGAZEN dutun te linug.

Ne hein nezineg haazà ni Elias, midtembunan din is buked din te samput ne migawas sikandin ne midhitindeg diyà te vèbà dutun te surung. Ne zutun duen laǥeng he migkaǥi te, “Elias, hengkey is baal nu kayi?”

Midseled sikandin diyà te sevaha he surung ne zutun sikandin medlipezeng hein mezukilem en. Dutun migkaǥi is NENGAZEN diyà te ki Elias te, “Hengkey is baal nu kayi?”

Umbe, mid-enew si Elias ne migkaan wey mid-inum. Ne nekeveǥey kandin te zesen haazà is migkaan din, ne midhipanew sikandin seled te 40 he andew wey 40 he kezukileman, taman te nekeuma sikandin diyà te Horeb, he vuntud te Megbevayà.

Ne midhizeǥà sikandin duen te sihung te kayu. Ne nekelipezeng sikandin. Ne zutun dutun duen belinsuǥuen he migunggel kandin he migkaǥi te, “Enew ka wey megkaan.”

Midlikù sikan is belinsuǥuen te NENGAZEN ne migunggel zin en maan si Elias duma is kegkaǥi te, “Enew ka wey megkaan, su meziyù pa is ebpeveyaan nu.”

Midtavak sikandin te, “NENGAZEN he Megbevayà he Mekeǥeǥehem, metinumanen a he nenilbi kenikew. Piru inselikwey te menge Israilihanen is paaǥi nu te kebpekid-uyun kandan, midezeetan dan is menge pemuhatà para kenikew, wey mibpenhimetayan dan is menge ebpeneuven nu. Ne sebsevaha ku zà te nesamà, piru edtinguhè dan daan te kedhimatey kedì.”

Ne kedtengteng din neehè din diyà te ulunan din is supas he midlutù pinaaǥi te midlangga he vatu wey wahig he neketaǥù diyà te umuy. Migkaan sikandin wey mid-inum ne mid-uman medhizeǥa.

Umbe, mibpeuwitan ni Jezebel te lalag si Elias he ed henduen te, “Berakat he zekelà is silut te menge ed-ezapen kediey emun iring kayi he uras keeselem ne kenè ku pa sikew egkepatey, iring te mibeelan nu te menge ebpemeneuven.”

Piru edsemaan ku is 7,000 he menge Israilihanen he wazà medluhud wey medhazek te ledawan ni Baal.”

Ne migenat si Elias ne neehè din si Elisha he anak ni Shafat is ed-eradu. Duen 11 he paris te menge vaka ziyà te egkehunaan ni Elisha he id-eradu te menge zuma zin, ne iyan sikandin ed-eradu te ike-12 he paris. Mid-uvayan sikandin ni Elias, ne impesinabley ni Elias ki Elisha is samput ni Elias.

Midlikù si Elisha, su migkuwa zin is menge vaka zin ne mibpenlapè din. Ne iyan intavun din te kedhilutua zutun te menge vaka is menge himan din te ked-eradu. Ne hein nelutù en haazà, mibeǥayan din sikan is menge zuma zin te ed-eradu ne migkaan sikandan is langun. Ne zutun mibpekidume en sikandin ki Elias su ed-uǥup kandin.

Mid-ewaan ni Elisha is menge vaka zin su midal-as din si Elias. Ne migkeǥiyan din te, “Edhezekan ku zep-a si amà wey si inà te kebpenemilit diyà te kandan, ne kegkepasad eduma a kenikew.” Midtavak si Elias te, “Uya, piru kenè nu lipati is mibeelan ku ziyà te kenikew.”