Popular Bible Verses from 1 Cronica 16

Share

Sarig kew te NENGAZEN wey te zesen din. Layun kew zangep diyà te kandin.

Peselemati is NENGAZEN te keupiya zin; wazà pidtemanan te gaǥew zin.

Peselemati niw is NENGAZEN; simbaha niw sikandin! Tudtula niw ziyà te menge etew is menge vaal zin.

Deliǥa niw is kegkewaǥas din. Kelipey kew is midangep diyà te kandin.

Sikiyu is menge pinilì te Megbevayà wey menge kevuwazan ni Israel he suluǥuen te Megbevayà, he iyan si Jacob, tentenuzi niw is menge egkein-inuwan he menge vaal zin, wey is menge kedhukum din.

Kentahi niw sikandin te menge kedalig; ipenudtul niw is langun he egkein-inuwan he menge vaal zin.

Su mekeǥeǥehem is NENGAZEN, ne ereg sikandin he edeliǥen. Dait sikandin he edtehuzen lavew te langun he zuma he menge ed-ezapen

Deliǥa niw is kegkemeǥeǥehem din, ne uwit kew te pemuhat diyà te etuvangan din. Azap kew kandin diyà te segradu he etuvangan din.

Diyà te kandin is kegkemekeǥeǥehem wey kegkelavew, ne is desen wey kelipey ne ziyà te ubpeey zin.

Sikiyu is menge etew te tivuuk he kelibutan, kentahi niw is NENGAZEN. Tudtula niw kada andew is mehitenged te kedlibriya zin kenitew.

Ipetueni niw ziyà te langun he menge etew ziyà te menge nasyun is kegkemekeǥeǥehem din wey is egkein-inuwan he menge vaal zin.

“Kenè niw kevuta is menge pinilì ku he menge suluǥuen; kenè niw pesipelahi is menge ebpeneuven ku.”

su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, piru iyan is NENGAZEN mibaal te langit.

Edtentenuzan din layun is kebpekid-uyun din. Kenè din edlipatan is menge saad din taman te taman.

Medlipey is langit wey is kelibutan. Penudtula zan diyà te menge nasyun is “Midhadì is NENGAZEN.”

Edeliǥen is NENGAZEN he Megbevayà te Israel te wazà pidtemanan.” Ne midtavak dutun is langun he menge etew zutun te, “Amen.” Ne midalig dan is NENGAZEN.

Sikiyu is menge etew ziyà te menge nasyun, deliǥa niw is NENGAZEN. Deliǥa niw is gehem din wey zesen din.