Popular Bible Verses from Loma 7

Share

Ta esi yalokagutoki Yaubada 'enaya, manuna 'ida 'Inapwana Yesu Keliso 'enega 'i'etoseyegu. 'Enega 'igu miya gete nadigega 'abo'agu 'ateguya yatagwala 'ai'aila Yaubada 'ina loina 'enaya, ta sa'i bwalagu nuwanuwana loina to'umalina.

Yamwalatonina nigeya 'ebweu wate bubuna bobo'ana bwalaguya 'imiyami, manuna bubuna bobo'ana nuwanuwagu ta esi nigeya sawesaweguya be yaguinuwe.

Ta ona'ai'aila, nuwanuwagu be yabubuna bobo'ana ta sa'i nigeya nadigega yada bubuna'esa, manuna to'umalina nina geya nuwagu ta yaguiguinuwei.

Gete 'enega tamwalatonina to'umalina nina yaguinuwena nigeya 'eguyega, ta esi lotoona to'umalina 'ateguyega.

Yage getedi ni'atu sie'ita 'ai'ailigu 'aene to'ase bobo'ana nuwanuwagu be yaguinuwe, 'iabe to'umalina tuga yada guinuwe. Manuna yage gete yalobena 'aene yaluyaluwagu nuwanuwana be Yaubada 'ina loina yaguinuwe

Ta ona'ai'aila, Mosese 'ina loina nidi ni'atu ya'awa bobo'anedi, manuna to'umalina nina yaguiguinuwei nigeya 'ilobwelobwenegu