Popular Bible Verses from Loma 5

Share

ta 'abo'ada 'etamo toto'umalida ga Yaubada 'ina oboboma 'ie'itaena 'edaya, nate Keliso manuda 'imwawasa

Nuwayaina nina gete nigeya 'ebweu wate nuwamwau 'ena 'imiyami, manuna Yaubada Yaluyaluwana 'itagwalena 'edaya, be 'enega 'ina oboboma sinabwa wawasae 'enega 'ateda 'iloemaedi.

Ta wate tada gwausowala tuta 'elouya 'ediya, manuna 'elouya nidi 'ediya, 'eguma tae'alama'i'itana, 'iabe 'ediyega 'ida bubuna sida palupalu. Gote 'enega tanuwayaina 'aene ma'etamo Yaubada 'ida obobomeda.

'Enega gete tugai 'ida emisega ni'atu Yaubada 'i'awa palupaluyeda ga Yaubada ma'edai taegosigosiyana, 'ida 'Inapwana Yesu Keliso 'enega. Manuna Yesu 'ilemeda ga Yaubada 'ina oboboma 'iapwesa 'edaya ga 'ena tamiya bobo'ana. 'Enega tada nuwayai ma ida gwausowala Yaubada 'ina esaesa 'etamo 'i'ebwa'eda manuna.

Manuna Keliso 'ina tuta 'ilobena ga 'imwawasa, ta esi 'abo'ada 'etamo 'ida nenetao simiyami, ga Keliso nina 'imwawasa 'ida to'umalinao manudi.

ga lalanega 'igie'esaseda, ta wate sawesawenaya be 'i'etoseyeda Yaubada 'ina gamwasowala 'enega.

Nadigega wate 'ebweu tai 'ina loinale'oa 'enega tomota maibo'adi sito'umalina, ta wate 'ebweu tai 'ina tagwalega tomota yaudi 'igie'esasedi.

Ta 'ebweu yage bobo'ana 'imiyami, nate Yaubada ma'eda tagwaugwausowala, manuna 'ida 'Inapwana Yesu Keliso tauna 'ime'eda ga Yaubada ma'edai taegosigosiyana limana.