Popular Bible Verses from Loma 15

Share

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Ta wate 'aina 'ebe'itao yaudi Buki Tabu 'ena simiyami Yaubada 'ina lemao manudi, ta 'abo 'ebe'ita nidi taemisedi, tada e'alama'i'itana ma ida nuwayaina be 'aene ma'etamo 'etoseyana tada loba.

'Enega tanuwa'i'isi 'aene Yaubada tauna 'alama'i'ita be giepa'ala 'alena, 'enega tauna sawesawenaya be 'igiepa'alida be tada nuwanuwa 'ebweuna, nadigega Yesu Keliso 'ina nuwanuwa, be 'enega maibo'ada nuwanuwa 'ebweuna 'enega Yaubada tada tupu, tauna 'ida Yaubada, ta wate 'ida 'Inapwana Yesu Keliso tamana.

'Enega gosemiyao 'ebweuna 'ebweuna wada bwauyedi 'imi egosigosiyanao 'ediya, nadigega Yesu Keliso 'abo'ada 'iegosigosiyaneda, be 'imi egosigosiyana bobo'ana 'enega Yaubada 'ana tupu 'ida sinabwa.

'Enega 'ebweuna 'ebweuna 'ilobweneda be gosedao tada lemedi be 'enega 'idi emisa 'ida sinabwa.