Popular Bible Verses from Tite 3

Share

Aè na wê tö vèa na vi kââwaa i Bâô ré pè mör̂u-ré, mâ vi méar̂i xi-e yè pâr̂â kâmö, na bör̂i pè mör̂u-ré na ce, na da xè-i pâr̂â nêr̂ê ka târi ré gèré waa, aè dè xè-i rö vi kââwaa xi-e xè-i vi batiyi né ké yè ër̂i vè döwöö tëë, mâ ké pè müü xè-i Ko-Ar̂ii, ré na piyöwîî rö bwêêwé-ré, na wêyê né na Ièsu Kérisö ka vi pè mör̂u-ré, cè ki vi ye nôâ yè-ré rö-i tâ néwèi mör̂u ka da tâwai yèri, wè é aʼvè târi-ré xè-i vi méar̂i vi bwir̂i xi-e.

Aʼvè néxâi-r̂é cè ké-r̂é pwêr̂êwaa pâr̂â ör̂ökau, mâ pâr̂â kâmö pa vi winô, cè ké-r̂é pwêr̂ê nô mâ cuè kâ vè tö vâ-r̂é yè pâr̂â nêr̂ê ka e wânii, mâ cè ké-r̂é da vi vâpèr̂u dèxâ kâmö, mâ vi caa-r̂é, aè na e rö na ké-r̂é târâdâ, mâ pèri vèa pâr̂â câwâ wânii ka kièo yè pâr̂â kâmö wânii.

Aè vi tö vè mwâi vèr̂i rai pâr̂â vi tëvë bwir̂i mâ ké vâr̂â pâr̂â cî kani, mâ vi caa mâ vi yiâ wa mââyöö, wè na yèri pè kwê ka e, mâ na da dö kââ na pâr̂â kââ-ré.

Yayâwâ rai-i kâmö ré pè tuö vi caa, na ki gè wê rhaaxâ mâ kaar̂u aʼvè néxâi-e.