Popular Bible Verses from Apocalypse 22

Share

Gènyâ Aléfa mâ Oméga, ökâré ka baayê ma' ka bwiidè, gènyâ ré pûû-é mâ mèèwâ-ê.»

Na êr̂ê na Ièsu: «Tö rhûû, na tö vè ubwa na ké yè pwa xi-nya tëë, aè gö tö xar̂a pè urhii, cè ki mâ nââ vidù yè pâr̂â kâmö ka virù vèr̂i nêr̂ê-r̂é.

Aè cur̂u êr̂ê na ko mâ bwè dowa ré mö ké öyö, êr̂ê: «Mi.» Ëi, na e na ki yè êr̂ê bar̂ee na kâmö ré pwêr̂ê êr̂ê: «Mi.» Aè ö kâmö ré bar̂i wâyö, wê mi na-a; aè ö kâmö ré bar̂i wâyö, na e na ki cëi vi bwir̂i rhëë né mör̂u.

Na kau mâmâ na ko pâr̂â kâmö ré gââ pâr̂â mêr̂ê-r̂é, cè ki pâr̂i-r̂é na kêê né mör̂u, mâ cè ké-r̂é vi ru rö mèö bé né népèè névâ.

«Tö rhûû, na tö vè ubwa na ké yè pwa xi-nya. Na kau mâmâ na ko kâmö ré yè pwêr̂êwaa pâr̂â nô ré é aʼvè néxâi baayê rö-i pèci-a!»

Aè nè yè da dö kââ yè-r̂é tëë na mwââ kêmör̂u, mâ daa i mèèxa, wè nè yè daa xé-r̂é na Ör̂ökau Bâô. Cér̂é yè bör̂i vi winô waavi aau.

Ö ce ré ye vè avâr̂i pâr̂â kââ-ré, wè na êr̂ê na ce, êr̂ê: «Üüwa, na tö vè ubwa na ké yè pwa xi-nya.» Amen! Ör̂ökau mwêê, Ièsu, wê mi! Na e na ki tö pwar̂a-ré wânii na vi méar̂i vi bwir̂i i Ör̂ökau Ièsu!

Gö êr̂ê yè pâr̂â kâmö wânii ré tö pwêr̂ê pâr̂â nô ré é aʼvè néxâi baayê rö-i pèci-a, êr̂ê, nè yè vi na dèxâ kâmö na ka yu béé pâr̂â nô-ré, nè yè bör̂i kâyâi yè-è bar̂ee na Bâô pâr̂â bwêêpë ré é êr̂ê vèa rö-i pèci-a. Aè nè virai dèxâ nô ka yar̂i ger̂e ré é êr̂ê vèa baayê rö-i pèci-a na dèxâ kâmö, nè yè mâ virai na Bâô bwêê ré ki-e rö pwar̂a kêê né mör̂u, mâ rö népèè névâ ka ar̂ii, ré é pèri vèa rö-i pèci-a.