Popular Bible Verses from Apocalypse 19

Share

Na e na ki gèré vi or̂o mâ pwérhar̂a e, na e na ki gèré nââ yè-è rhîrhér̂é; wè na wê pwa na nédaa né vi pè öyö i Arénio, aè na wê cowa umui-e na bwè xi-e

Aè tö-i mêr̂ê-ê, mâ tö pââ-ê, é wê yu dèxâ néé, êr̂ê: «Ka vi winô i paxa vi winô, mâ Ör̂ökau i pâr̂â ör̂ökau.»

Gö bör̂i tö rhûû nékö na é cîî, aè na tö vèa na dèxâ yovar̂i ka uè. Na bör̂i kaar̂u na néé kâmö ré te rö xi-e, wè Kadagë mâ Avâr̂i, nêr̂ê-ê wè na vi ërëwaa na ce, mâ na vi paa xar̂a târi.

Duö pièmè-è, wè mèèjar̂a kêmör̂u; aè na pôr̂ô yéyé na pâr̂â kör̂öna rö gwâ-ê; na wii bar̂ee na néé é yu, ka é da tâwai i kâmö, aè na dè tâwai rhar̂i na ce; na cur̂i mêr̂ê ka kö war̂a. É ye néé-é, «Nô i Bâô.»

Na wê tù rua xè néwâ-ê na o taua ka dö kè cè ki pè ya pâr̂â névâ; aè nè yè mâ vi winô yè-r̂é xè-i mèèjö vaö; aè nè yè tegùyi kaa pwavii pwêê viné né vi rhôê i Bâô Katawaiwânii.

É bör̂i tuwir̂i bwâr̂âwê mâ pérövéta bar̂ee ka vee ré waa yawi pâr̂â pètâbâ rö némèè-è, cè ki pè vi mür̂ü pâr̂â kâmö ré cëi pètâbâ bwâr̂âwê, mâ cér̂é bar̂ee ré tâ nôô yè kaxoo-é, é bör̂i yer̂e-r̂u duö kâmö ka mör̂u rö kar̂ö rhëë kêmör̂u ré wér̂a xè-i sufre.