Popular Bible Verses from Apocalypse 16

Share

«Tö rhûû, gö yè pwa ûr̂û kâmö ka pâr̂â. Na kau mâmâ na ko kâmö ré tâ rhî mâ waa tö rhûû pâr̂â mêr̂ê-ê, koa-wi vâr̂â bwar̂i, wè wi köö na ki rhûû-é!»

Aè angéla ré pèkanii na ma rhaaxâ, wè na piyöwîî rhëë xi-e rö kar̂ö rhëë ka kau rö Éuférate. Na bör̂i wê mèr̂i na kar̂ö rhëë cè ki mâ kâ vè tö vâ dèxâ wêyê i pâr̂â ör̂ökau mi xè ye-a.

Wè cér̂é pâr̂â ko i pâr̂â awir̂è ka yaané ré waa pâr̂â pètâbâ. Cér̂é vi wa pâr̂â ör̂ökau wânii rö-a bwêê jë cè ké-r̂é kâ vèâi-r̂é yè vi paa rèi ö nédaa ka kau, wè nédaa i Bâô Katawaiwânii.

Gö bör̂i tö rhûû pâr̂â ko yaané parir̂i, ka ûr̂û pâr̂â gér̂énu, na cér̂é tù xè néwâ dragona, mâ xè-i néwâ bwâr̂âwê, mâ xè-i néwâ pérövéta ka vee.

Cér̂é bör̂i kê na pâr̂â kâmö xè-i pixê ka kau, cér̂é bör̂i aʼvè yaané néé Bâô xè-i ké ce rö ré wii na awir̂è xi-e rö bwêêwé pâr̂â bwêêpë-ré, aè cér̂é da vipââr̂i rö mâ pè kau-é.

Na bör̂i wê vi na angéla ka baayê, mâ piyöwîî rhëë xi-e na bwêê jë, na bör̂i wê pwa na juuri ka dö yaané mâ ka miir̂i rö bwêêwé pâr̂â kâmö ré wii rö xé-r̂é pètâbâ bwâr̂âwê, mâ tö bwêêwé bar̂ee pâr̂â kâmö ré rhè nôô yè kaxoo-é.

Cér̂é bör̂i vi kâ vèâi-r̂é rö kaa töö é ye néé-é rö-i mêr̂ê aʼ xè Hébèru, êr̂ê, Aramagédo.