Popular Bible Verses from Apocalypse 14

Share

Gö bör̂i pwêr̂ê dèxâ mêr̂ê aʼ mi xè nékö ré êr̂ê yè-nya, êr̂ê: «Wè yu, êr̂ê na kau mâmâ na ko-r̂é pâr̂â paxa mé rö-i Ör̂ökau rhavûû xina, na êr̂ê na ko êr̂ê üüwa, wè cér̂é tâ mui rai pâr̂â ka wakè xé-r̂é mâ cér̂é vi ua-r̂é na pâr̂â nêr̂ê-r̂é.»

Ökâré vi pè mör̂ö i pâi paxa vi rheewaa-r̂é, pâr̂â kâmö paxa pwêr̂êwaa pâr̂â mââyöö i Bâô mâ tâ néwèi yè Ièsu.

Na bör̂i êr̂ê xè-i mêr̂ê aʼ xi-e ka aʼ vè kau, êr̂ê: «Bar̂a yè Bâô, mâ nââ yè-è vi pè kau, wè na wê pwa na nédaa né vi ërëwaa xi-e; pwaér̂ö na gëve yè ce ré yaxai nékö mâ bwêê jë, mâ nérhëë mâ pâr̂â kaa pwé i rhëë.»

Na bör̂i ua-r̂u na dèxâ angéla pèkarir̂i, mâ êr̂ê rö-i mêr̂ê aʼ xi-e ka kau, êr̂ê: «Nè yè wii na dèxâ kâmö ka tâ nôô yè bwâr̂âwê, töwè yè kaxoo-é, mâ ka yè cëi pètâbâ rö pèr̂èmè-è ra wi tö néxar̂a â-ê, ökâré kâmö ré yè wâyö bar̂ee divââ né vi rhôê i Bâô, ré é kâ vè tö vâ rö mwâ rhëë né vi rhôê xi-e, aè é da ber̂a vè rhaaxâ vèr̂i dèxâ kââ, é yè bör̂i pè bwêêpë-è xè-i kêmör̂u mâ sufre rö némèè pâr̂â angéla pa ar̂ii mâ tö némèè Arénio. Nè bör̂i puu rua na pur̂uu né bwêêpë xé-r̂é kwéyë rua waavi; aè cér̂é da tâ mui rèi bwê mâ daa na pâr̂â kâmö ré wê tâ nôô yè bwâr̂âwê mâ kaxoo-é, mâ pâr̂â kâmö wânii ré wê cëi pètâbâ né néé-é.»

Gö tarawaa, bör̂i tö rhûû, wè na tömâ rö gwêêwè Siona na Arénio, aè cér̂é tö pwar̂a-è na 144.000 mille kâmö, aè é wê yu rö-i rö pâr̂â pèr̂èmè-r̂é néé-é mâ néé Pevaa xi-e.

Gö tö rhûû bar̂ee dèxâ angéla na cêê rö néwâviöe nékö, aè na tö xar̂a vi rherhî ka e ka da tâwai yèri cè ki mâ vi pur̂â i yè pâr̂â kâmö ré tö-a bwêê jë, mâ pâr̂â mwââr̂ö, mâ pâr̂â ba pa aʼ i vidù i mêr̂ê aʼ xé-r̂é, mâ pâr̂â kâmö.

Na bör̂i vi ua-è na dèxâ angéla pèkaar̂u-é, na bör̂i êr̂ê: «Na wê bèi, na wê bèi na Babilona ka kau, ökâré kâmö ré tùr̂ùwaa pâr̂â névâ wânii cè ké-r̂é wâyö divââ né vi rhôê né yaané xi-e!»