Popular Bible Verses from Apocalypse 10

Share

Aè tèi nédaa né ké yè aʼ i angéla pèkanii na ma kaar̂u, wè na ki yè ku döö, nè yè bör̂i yexèvè na kââ ka tö yêr̂ê rö pwar̂a Bâô, na ûr̂û vi rherhî ka e ré na êr̂ê vèa mâʼ yè pâr̂â kâmö yar̂i xi-e, wè pâr̂â pérövéta.»

É bör̂i êr̂ê yè-nyâ, êr̂ê: «Na e na gèi vi rherhî ûr̂û pérövéta yè pâr̂â kâmö, mâ pâr̂â névâ, mâ pâr̂â ba pa aʼ i vidù mêr̂ê aʼ xé-r̂é, mâ pâr̂â ör̂ökau pa pôr̂ô»

Gö tö rhûû dèxâ angéla ka wii na awir̂è xi-e na na vi ria mi xè nékö, na yakôwîî-e na kö; aè na tö gwâ-ê na jérö, na ûr̂û mèèxa na némèè, aè duö köwi-e xè ria, wè na ûr̂û duö rhea kêmör̂u.

Gö bör̂i vi wa angéla mâ êr̂ê yè-è cè ki vi nââ yè-nya ö pèci ka yar̂i-ré. Na bör̂i êr̂ê yè-nya, êr̂ê: «Pè vèr̂i mâ ara; nè yè mâ mâi rö pwéé-i, rhaaxâr̂ö nè yè né e rö néwâ-i, na ûr̂û dörö.» «Gö pè pèci ka yar̂i-a xè-i angéla, mâ wê ara; na bör̂i né e rö néwâ-nya, na ûr̂û dörö, gö bör̂i wê niwîr̂i, na bör̂i wê mâi rö pwéé-nya.»