Popular Bible Verses from Philippiens 2

Share

Koa yè waa dèxâ kââ rö-i vi rhîaa, mâ vi pè kau, aè na e na ki mâ wii vidù na wêê nénââ ka pè yar̂i-e, mâ vi pè kau vidù yè dèxâ mâ dèxâ. Koa tö rhûû vidù pâr̂â ke-ve, aè na e na ki mâ tö rhûû vidù ki pâr̂â kâmö.

Na e na ki tö xe-ve na vi tâ néxâi-â, ka virù vèr̂i mâ vi tâ néxâi i Kérisö Ièsu.

Wè na rhaaxâ rö na kétöné-r̂u Bâô, Aè na da tö rhûû vè kââ né kërhùr̂ùù na ké virù xi-e vèr̂i Bâô; Aè na waa vi bwir̂i-e, mâ pè kétöné kâmö yar̂i, Mâ pugèwè-è vè kâmö; Aè é tö rhûû-é na ûr̂û kâmö, na bör̂i dè pè ria-é na ce mâ pwêr̂êwaa kwéyë rua rö pèii mé, wè pèii mé rö sataurö.

Wè Bâô ré waa rö xe-ve rhî vè e mâ vi yexèvè ûr̂û ké e yè-è.

Tö ökâré, na bör̂i dö pè kau-é rua aau na Bâô, mâ na ye néé-é ka vi kwéjî rai pâr̂â néé wânii, Cè ké-r̂é rhau yùù béé â-r̂é rö-i néé Ièsu, na cér̂é wânii rö rua nékö, mâ tö bwêê jë mâ tö é vè ria né bwêê jë, Cè ké-r̂é rhau êr̂ê vè tö vèa na pâr̂â kur̂umé wânii rhîrhér̂é i Bâô Pevaa, êr̂ê: “Ièsu Kérisö rö Ör̂ökau!”

Waa vèr̂i na gëve pâr̂â kââ wânii, na e na ki yèri vi dûû mâ vi rhèè rö-i, cè ki yèri pè aʼvè téé-ve, mâ cè ke-ve e, mâ dö pâlè Bâô, mâ ka é da tâwai aʼvè bwir̂i rö pwar̂a cî kani-â pa téé mâ vi ber̂a nô; aè na e na gëve wér̂a rö pwar̂a-r̂é ûr̂û daa rö bwêê jë

Tö ökâré, pâr̂â dö wêê nénââ xi-nya éé, ûr̂û ké wê pwêr̂ê nô xe-ve yawi, na da tèi rö céréé gö mö tö pwar̂a-ve, aè na dö kau aau xina na na wê yèri-nya, waa vèr̂i nêr̂ê né vi pè mör̂u-ve rö-i bar̂a mâ keexer̂e.