Popular Bible Verses from Jacques 4

Share

Tö ökâré, pwêr̂êwaa Bâô na gëve, aè yapurhâi virai méavor̂a, nè yè bör̂i ör̂ö rai-ve.

Tö vè ubwa mi i Bâô na gëve, nè yè bör̂i tö vè ubwa i-ve na ce. Gââ néxar̂a â-ve, gëve pâr̂â kâmö pa yaané, nyââmöi e pâr̂â wêê nénââ xe-ve, gëve pâr̂â kâmö paxa vi rhèè.

Pè ria-ve rö némèè Ör̂ökau, nè mâ bör̂i pè kau-ve na ce.

Aè na nââbéé xè-i vi méar̂i vi bwir̂i ka vi kwéjî; ökâré ké êr̂ê i ka yu mâʼ, êr̂ê: «Na yapurhâi na Bâô pâr̂â kâmö pa vi pè kau-r̂é, mâ na nââ vi méar̂i vi bwir̂i xi-e yè pâr̂â kâmö pa vi pè yar̂i-r̂é ria.»

Wè ö kâmö ré tâwai waa nô ka e, na da bör̂i yexèvè, ökâré kâmö ka waa nô ka yaané.

Gëve vi pëër̂ii na gëve, mâ gëve da bör̂i cëi xè-i ké vi pëër̂ii bwir̂i xe-ve, cè ki wê yaxèvè na pâr̂â vi wêêgûr̂û xe-ve ka yaané.

Gëve pâr̂â kâmö pa waa nô ka yaané! Na wêr̂êi, gëve da tâwai, êr̂ê, rhîaa i Bâô na rhî vè e yè bwêê jë? Tö ökâré, ö kâmö ré rhî vè e cè ki béé bwêê jë na ce, wè na rhîaa yè Bâô na ce.

Rhaaxâr̂ö, gëve da tâwai ö kââ-ré yè pwa gaar̂a! Wè ö jië na mör̂u xe-ve? Gëve ûr̂û pur̂uu kêmör̂u, na tö vèa rèi céréé, na bör̂i wê yèri tëë.