Popular Bible Verses from Jacques 1

Share

Pa kaavèâi-nya mwêê, na e na ki gëve tâ néxâi, êr̂ê, pè vi or̂o vè kau na ki pwa yèr̂i-ve na pâr̂â yeyèè ka pi dèxâ na nô né vidù, wè gëve wê tâwai êr̂ê na pè tuö vi pè mör̂ö ka târâdâ na ké yè waa yeyèè yè tâ néwèi xe-ve.

Nè yèri ké yè gaamëë i wêê nénââ i dèxâ rai-ve, na e na ki pëër̂ii yè Bâô, wè ce ré dè dö nââ yè pâr̂â kâmö, na da xè-i vi vër̂ëë; é yè bör̂i nââ yè-è.

Pa kaavèâi-nya pa dö wêê nénââ xi-nya mwêê, gëve wê tâwai céréé. Na e na ké-r̂é rhau yè tö pwêr̂ê yawi na pâr̂â kâmö, mâ yidöö rö-i ké yè tëvë, mâ yidöö rö-i ké yè rhôê

Aè na e na ki waa nêr̂ê vè mör̂ö na vi pè mör̂ö ka târâdâ-ré, cè ki gëve dö târi kwéyë mâ cè ki da wii na dèxâ kââ ka yè yèri-a rö pwar̂a-ve.

Yaxèvè na gëve nô, aè koa yè tö pwêr̂ê rö, wè na ûr̂û gëve dè pè vi mür̂ü-ve na ki gëve ûr̂û-ré.

Na kau mâmâ na ko kâmö ré pè mör̂ö-è rai yeyèè. Wè é yè wê cowa waa yeyèè yè-è, nè mâ' cëi na ce bwaar̂a kör̂öna né mör̂u ré na êr̂ê baayê ma' na Ör̂ökau yè pâr̂â kâmö ré tâ néwèi-e.

Aè pâr̂â kwââvâr̂â wânii ka e, mâ pâr̂â ka é nââ vi bwir̂i ka rhîrhér̂é, wè xè-i mi xè rua rai Pevaa i daa, wè na yèri aau ka yè gë rö xi-e, mâ na dö yèri aau dèxâ ui pètâbâ né ké yè pugèwè-è xi-e.

Wè nè yè tö pwêr̂ê nô na dèxâ kâmö, nè da bör̂i yaxèvè rö, nè virù vèr̂i na ce ö kâmö ré tö rhûû némèè-è rö mwâ vi koomè, wè na dè tö rhûû-é, na bör̂i vi, aè na tâ nénui tëë na ce ké wê tö rhûû-é xi-e.

Ökââ câwâ né waa ar̂ii ka korhî mâ na yèri ka yaané xè-i rö némèè Bâô Pevaa, êr̂ê, ki yè vi rhâwaa pâr̂â mû mâ pâr̂â powè jâmé rö-i ké bwêêpë xé-r̂é, mâ ki yè öxar̂a-r̂é rai miir̂i né bwêê jë.

Koa yè êr̂ê na dèxâ kâmö, na ké mâ waa yeyèè yè-è, êr̂ê: «É waa yeyèè yè-nya xè-i mi Bâô.» Wè é yè da tâwai waa yeyèè yè Bâô xè-i nô ka yaané, aè na da waa yeyèè yè bar̂ee dèxâ kâmö na ce. Aè cér̂é dè waa yeyèè yè-r̂é vidù na pâr̂â kâmö, wè na dè yörhèè-r̂é na pâr̂â rhî vè e xé-r̂é ka yaané mâ vi ârui.

Na e na kaavèâi ka yèri nékwêêr̂ê-ê cè ki vi or̂o tâ néxâi êr̂ê, na wii ki-e rö rua.