Popular Bible Verses from Galates 5

Share

Aè pâr̂â pwêê ko, wè vi méar̂i, mâ vi or̂o, mâ nâânévâ, mâ kièo e, mâ vië, mâ câwâ ka e, mâ avâr̂i, mâ yör̂a e, mâ rhî vè e ka pâr̂i; na da ya pâr̂â kââ-ré na mââyöö.

Gö êr̂ê na gènyâ, na e na ki gëve bâ vi rö-i ko, aè gëve da waa rhî vè e i kar̂ö.

Gèré yè mör̂u rö-i ko, na e na gèré bâ köiwaa vi rö-i ko.

Aè cér̂é paxa ki Kérisö, wè cér̂é cowa pè sataurö i kar̂ö-r̂é, xar̂a pâr̂â vi wêêgûr̂û-é mâ pâr̂â rhî vè e-é.

Ökâré, na wê tö vèa na pâr̂â nêr̂ê né kar̂ö, wè câwâ döwi, mâ vi yôôbö mâ câwâ né yerii, mâ waa ar̂ii yè pâr̂â kââ, mâ câwâ ar̂ii uyûi, mâ vi rhîaa, mâ vi caa, mâ vi pèr̂i, mâ vi rhôê, mâ kwér̂ènô, mâ vi tia vè kaar̂u, mâ pi vi kaavèâi, mâ vi wêêgûr̂û, mâ wâyö i bwir̂i, mâ vi yâwâ, mâ pâr̂â kââ ka ûr̂û-ré. Gö êr̂ê vèa yè-ve pâr̂â kââ-ré, na ûr̂û ké êr̂ê vèa xi-nya baayê, êr̂ê, rhau cér̂é paxa waa ûr̂û-ré, wè nè da wii ké-r̂é kaa vi ye-nôâ i mwâcir̂i i Bâô.

Pâ kaavèâi-nya mwêê, é wê aʼyè-ve yè târi yè-ve, rhaaxâr̂ö, koa yè vi pugèwè târi yè-ve vè pûû nô né kar̂ö; aè gëve vi waa kâmö yar̂i vèâ rö-i vi méar̂i.

Wè na pi dèxâ na rhî vè e i kar̂ö rai ko, mâ na pi dèxâ na rhî vè e i ko rai kar̂ö, wè cur̂u dè vi rhîaa xi-r̂u, cè ke-ve da waa ö kââ-ré gëve dè rhî vè e.

Wè é pè yexèvè wânii rö-i rhaaxâ rö nô, êr̂ê: «Gè yè méar̂i kâmö ré tö vè ubwa i ûr̂û-i.»

Koa yè vi mèyè bwir̂i ké-ré tö-i vi rhèè na dèxâ yé dèxâ, mâ vi yar̂ii na dèxâ yè dèxâ.

Na pè târi-ré na Kérisö cè ki wii na târi yè-ré, tö ökâré, wè tömâ vè mör̂ö, aè koa yè kâyâi-ve tëë yè kaa jir̂è né êê yavia.