Popular Bible Verses from 2 Thessaloniciens 2

Share

Na e na ki yèri kâmö ka pè vi mür̂ü-ve rö-i dèxâ wêyê. Wè na e na ki pwa baayê na nédaa né pi vi kâyâi, wè nè tö vèa rèi na kâmö né yaané, wè na o i yerii na ce.

Pâ kaavèâi-vé pa dö wêê nénââ xé-vé rö-i Ör̂ökau, wè na e na gèvé bâ ëi yè Bâô vè ke-ve, wè na pâbir̂i-ve na Bâô rö ka rhavûû vè vi pè mör̂u, rö-i vi rheewaa i ko mâ tâ néwèi yè avâr̂i.

Na tömâ yè pâr̂â kâmö, mâ pâr̂â kââ ka ar̂ii, mâ da bar̂a rai cuè rö mwâ ka ar̂ii i Bâô mâ êr̂ê, na ce ré Bâô.

Na e na ki yè vi nââbéé wêê nénââ xe-ve mâ pè mör̂ö-ve rö-i pâr̂â nêr̂ê ka e mâ nô ka e, na Ör̂ökau xé-ré Ièsu Kérisö, mâ Bâô Pevaa xé-ré, ré méar̂i-ré, mâ ré nââ yè-ré rö-i vi méar̂i vi bwir̂i xi-e, dèxâ vi nââbéé ka tö aau, mâ dèxâ ka vi târ̂î ka e kwéyë. Pè mör̂ö pâr̂â pwéé-ve cè ki gëve waa kââ ka e rö-i pâr̂â nêr̂ê mâ mêr̂ê aʼ.

Tö ökâré, na kâyâi yè-r̂é na Bâô awir̂è né vi mür̂ü, cè ké-r̂é cëi nô ka vee

Nè tö vèa na kâmö né yaané rö-i awir̂è i Satana, xar̂a pâr̂â pètâbâ, mâ pè buèi mâ ar̂inadö ka vee, mèyè wa pâr̂â vi pè vi mür̂ü né nô ka yaané yè-r̂é, ré yè pèii mé xè-i ké da cëi xé-r̂é rhî vè e yè avâr̂i cè ké-r̂é mör̂u.

Wè ka tö yêr̂ê i nô ka yaané, wè na mö wii na yô-ê, na e na ki yèri rö ce ré aʼrhua cè ki tö vèa.