Popular Bible Verses from 1 Timothée 2

Share

Wè na rhaaxâ rö na Bâô, mâ na rhaaxâ rö na ce ré vi tö négowé né Bâô mâ kâmö, wè Kérisö Ièsu dö kâmö, ré dè nââ-ê vè pè urhii pâr̂â kâmö. É ye vè avâr̂i nô-ré rèi nédaa ka pâr̂i, pè ye vè avâr̂i êr̂ê Bâô wè na bar̂i pè mör̂u pâr̂â kâmö

Tö ökâré, gö pur̂â-ve baayê, êr̂ê, é yè vi pëër̂ii, mâ vi pwaér̂ö, mâ vi bëia, mâ ëi, vè ki pâr̂â kâmö wânii, vè ki pâr̂â Ör̂ökau, mâ pâr̂â kâmö wânii pa vi winô, cè ki gèré cuè e mâ vi e xar̂a bar̂a yè Bâô, mâ câwâ ka târi.

Tö ökâré, gö rhî vè e pâr̂â pâi cè ké-r̂é vi pwaér̂ö rö pâr̂â kaa töö, mâ navui rua néxar̂a â ka yèri yaané rö-i, mâ da vi vër̂ëë, mâ da vi caa. Na ûr̂û-ré bar̂ee na pâr̂â powè, wè na e na ké-r̂é cur̂i mêr̂ê ka pèri vèa nô né ké bë vè tâ, mâ tö vè yar̂i, na e na ké-r̂é vi umui-r̂é, na da rö-i pûr̂û gwâ é vùi, mâ mwâné mii, mâ perle, mâ cur̂i ka kau na pè urhii, aè na e rö rö-i nêr̂ê ka e, ö kââ-ré ka pâr̂i yè pâr̂â powè pa êr̂ê vèa êr̂ê cér̂é kâmö yar̂i i Bâô.