Popular Bible Verses from 1 Pierre 4

Share

Aè tö bwêêwé pâr̂â kââ wânii, wè na e na ki gëve vi méar̂i-ve rö-i wêê nénââ ka pixê, wè nè yè karui pâr̂â yerii ka pôr̂ô yéyé na vi méar̂i.

Na ûr̂û ké cëi vidù xe-ve pâr̂â kwââvâr̂â xè-i mi Bâô, na e na ki gëve vi nââbéé-ve vè rhaaxâ i kwââvâr̂â ré gëve cëi vidù.

Nè yè bar̂i tëvë na dèxâ kâmö, na e na ki mâ tëvë ûr̂û ké êr̂ê vèa xè-i mi Bâô; nè yè bar̂i waa nêr̂ê na dèxâ kâmö, na e na ki mâ waa nêr̂ê ûr̂û ar̂inadö é nââ xè-i mi Bâô, cè ké-r̂é pè kau Bâô rö-i pâr̂â kââ wânii xè-i Ièsu Kérisö, ré tö pwar̂a-è na rhîrhér̂é mâ awir̂è waavi aau. Amen!

Aè na e rö na ké yè bwêêpë i dèxâ kâmö xè-i ké kérisiano xi-e, bör̂i koa yè köö xè-i, aè na e na ki pè kau Bâô na ce rö-i néé ré é vi aʼyè-è, êr̂ê, kâmö i Kérisö.

Na tö vè ubwa na léé pâr̂â kââ wânii, tö ökâré tö gaamëë na gëve, mâ tâ rhî mâ pwaér̂ö.

Pâr̂â paxa dö wêê nénââ xi-nya mwêê, koa yè vi buèi na gëve xè-i yeyèè ré ûr̂û kêmör̂u rö pwar̂a-ve ré vi pwa na ka waawaa yè-ve, na ûr̂û dèxâ kââ ka döwöö ka mö ké pwa yèr̂i-ve. Aè na e na ki gëve vi or̂o xè-i ké rhau bwêêpë gëve vèâ Kérisö, cè ki gëve mâ rhau vi or̂o gëve vèâ-ê na ki mâ tö vèa na rhîrhér̂é xi-e.

Vi béé tö vèâ na dèxâ kâmö yè dèxâ rö-i wêê mwâ xi-e, aè koa yè vi yiâ wêr̂ê wa.

Tö ökâré na e yè pâr̂â kâmö ré bwêêpë wa rhî vè e i Bâô cè ké-r̂é waa câwâ ka e mâ kâyâi pâr̂â ko-r̂é yè ce ré ka avâr̂i mâ yaxai pâr̂â kââ.

Tö ökâré na wê bwêêpë na Kérisö rö-i kar̂ö, na e na ki gëve tömâ tö gaamëë xar̂a wêê nénââ ka ûr̂û-ré, wè na wê cowa virai yerii na kâmö ré bwêêpë rö-i kar̂ö, gëve bör̂i da köiwaa tëë rhî vè e i kâmö, aè na e rö na rhî vè e i Bâô, rèi ökâré gëve mö ké tö kar̂ö.

É yè aʼvè yaané-ve, na pûû-é na néé Kérisö, na bör̂i kau mâmâ na ko-ve, wè na cuè rö pwar̂a-ve na ko né rhîrhér̂é wè ko i Bâô.