Popular Bible Verses from 1 Pierre 2

Share

Aè gëve rö cî kani ré é pâbir̂i-r̂é, mâ pâr̂â kâmö paxa vi ye êê pwaér̂ö paxa vi kwéjî, mâ névâ ka vi rheewaa-è, mâ ba ré na waa vè ki-e na Bâô, cè ke-ve vi êr̂ê vèa pâr̂â ar̂inadö i ce ré wè aʼyè-ve mi xè orê yè daa xi-e pè buèi

ö Kérisö ré wê kââ rhâri pâr̂â yerii xé-ré xè-i kar̂ö-è rö kêê, cè ki gèré wê mé yè yerii mâ wii mör̂u vè ki câwâ ka târi; ö ce ré pè mör̂u-ré xè-i pâr̂â wêêkaâr̂â xi-e. Wè gëve wê vâr̂â vi bwir̂i mâʼ, na ûr̂û pâr̂â mutô pa wê vi mür̂ü rai wêyê. Aè xina-ré, wè gëve vi tëëtëë wa kâmö ka vi târ̂î mutô, mâ ka vi târ̂î pâr̂â ko-ve.

gëve ré da dö béé dèxâ mwâcir̂i mâʼ, aè gëve pâr̂â béé mwâcir̂i i Bâô xina, mâ gëve pâr̂â kâmö pa é da méar̂i-r̂é mâʼ, aè é wê méar̂i-ve xina.

aè rhî vè e vèr̂i na gëve jâr̂â ji ka dö e, mi xè-i ko, wè nô i Bâô, na ûr̂û pâr̂â o yar̂i ka mö ké ârè, cè ki gëve kau vi xè-i mâ pwa yèr̂i vi pè mör̂u

Pâr̂â wêê nénââ xi-nya mwêê, gö wapaur̂u-ve, wè gëve pa döwöö, mâ pa tö bwêê vâr̂â vi tö bwêê jë. Vi tö vè mwâi vèr̂i na gëve rai pâr̂â rhî vè e né kar̂ö, wè pâr̂â kââ ré vi paa yè ko. Na e na ki gaamëë na câwâ xe-ve na gëve tö néjêr̂ê pâi pa dö töö, tö ökâré cér̂é bar̂i ké vâpèr̂u-ve êr̂ê, gëve kâmö pa yaané mâ pâr̂â, na e na ké-r̂é rhîâgür̂ü bar̂ee pâr̂â nêr̂ê ka e mâ pè kau Bâô tèi nédaa né vi rhâwaa.

aè vâi rua-ve bar̂ee, na ûr̂û pâr̂â pèyaa ka mör̂u, cè ke-ve rhau vâi mwâ né ko, mâ cè ke-ve pâr̂â cî kâmö paxa ar̂ii paxa nâânévâ, cè ki mâ nâânévâ i pâr̂â êê vi ye êê pwaér̂ö rö-i ko, wè ökâré ka e yè Bâô xè-i Ièsu Kérisö.

Tö ökâré gëve virai pâr̂â câwâ ka yaané wânii, mâ vi ârui wânii mâ pâr̂â veevee, mâ vi yar̂ii mâ vi vâpèr̂u wânii

Aè gëve vi vè ubwa i-e, wè pèyaa ka mör̂u na ce ré na virai na kâmö, aè na pâbir̂i-e na Bâô, mâ na dö lèèwi yè-è

pa ûr̂û pâr̂â kâmö ré é wê kâyâi-r̂é vi bwir̂i, cér̂é bör̂i pugèwè ké vi bwir̂i xé-r̂é vè pè karui vi waa vè yaané xé-r̂é, aè na e rö na ké mâ waa nêr̂ê ûr̂û kâmö yar̂i i Bâô.

Wè ökâré rhî vè e i Bâô, cè ke-ve ya vè nimâ xè-i pâr̂â nêr̂ê-ve ka dö e pâr̂â câwâ bwir̂i i pâr̂â kâmö pa da gaamëë