Popular Bible Verses from PUYAN LUHA’ 5

Share

Penco re ti ca belian iaʹ mading. Pekini dau ue: “Ikoʹ iaʹ tekep alaʹ lelen surat ina, ngan ke lemasi penyalet te. Moʹ ikoʹ iaʹ lepa sihoʹ tebek ngan matai. Ngan kuʹun dahaʹ koʹ, ikoʹ lepa nyuaʹ kelunan me Allah, cen singket naʹan puhoʹ kelunan, cen singket naʹan isiu, ngan singket naʹan gaham perinta, ngan singket naʹan lepoʹ ne.

Kun nte belian bioʹ dau re, kun nte: “Anak Dumba iaʹ lepa sihoʹ tebek ngan matai, ia iaʹ tekep ke alaʹ penyukat, ngan kayaʹ, ngan tudi neng penisen, ngan pengali, ngan selama, ngan serema peniga, ngan pada.”

Ikoʹ iaʹ lepa uyan ida ca lepoʹ paren, ngan uyan ida detaʹu diaʹ ke pegayeng me Allah le. Ngan ida iaʹ ke ngaren usun tanaʹ ini.”

Uʹo ina akeʹ kenahan dau mung inu iaʹ kaʹ surga, pekina pe kusun tanaʹ, ngan kentaʹ tanaʹ, ngan diaʹ kaʹ banget. Ida dina ne iaʹ belian kuma ha: “Me ia iaʹ madung neng usun padung pengaren ina pemung ngan Anak Dumba, ke un pada, ngan selama, ngan serema peniga, ngan penyukat pabeʹ majan ʹo.”

Tegoʹ ina, kenai ca usa diaʹ lataʹ dina pisiu ngan nceʹ. Kun dau ue: “Ayen ncoʹ nange. Naʹat coʹ. Lencau iaʹ nai cen puhoʹ Yahudi, Laki iaʹ bioʹ mela Daut ina, ia lepa un usun neng puyan iaʹ jaʹat, ina ukoʹ o un penyukat senteng lemasi tujoʹ penyalet ina, ngan mesik lelen surat ina.”