Popular Bible Verses from PILIPI 2

Share

Ayen uyan ca inu cen kimet cem iaʹ ubaʹ ke mejung tuk usa hem tengen, pekina pe cen kimet cem iaʹ ubaʹ ke tai jum. Di lareʹ ngelibaʹ penawai hem neng ikem selepeʹ, ngan singket singket usa le naʹ kelunan diaʹ ca un lapa tiga neng ilu. Ayen bang pekimet tuk usa hem tengen le. Pekimet te pengubaʹ kem selepeʹ.

Tekep kem alaʹ saheʹ iaʹ luhaʹ dalem Keristus Yesus dalau idai are

Naʹ pe layen Keristus kuaʹ ngan layen Allah, ngan kuaʹ paren, abeʹ e pekimet ke nganun pengaren Allah ina ke peniga ha tengen. Un sepuʹo bayaʹ tekaʹ pengubaʹ a tengen, Yesus pelek dina mung, ke nuyan usa ha koʹ layen ulaʹ neng puyan kelunan. Ngan luhaʹ seʹ e koʹ baʹan baloʹ kelunan. Ia ngelibaʹ kimet te laʹa, ngan tudep bayaʹ dau Allah pa ha matai, matai neng kayu tecek.

Moʹ lan ne Allah iaʹ lemuto pegayeng kedalem ikem ke payo kimet cem ngan ngepali ikem ke ti bayaʹ sedep pe.

Moʹ ina ukoʹ Allah ngempau ia neng iaʹ atek mpau, ngan naʹ mia ca ngadan iaʹ bioʹ neng ʹo mung ngadan diaʹ ca. Idi kuʹun ngadan Yesus ne mung diaʹ mudip ka surga ketai tunuk sutlep ʹo, pekina pe mung diaʹ mudip kusun tanaʹ, pekina pe diaʹ kentaʹ tanaʹ bala. Ngan mung mung le ke teto dau ngahaʹ ban Yesus Keristus iaʹ atek Tuʹa. Ketai ie nuyan serema peniga Allah iaʹ Amai Bioʹ.

Mele inu iaʹ ikem nuyan, ayen ti ie ngan kuheng dau ngan paseʹ dau, apan abeʹ un ukoʹ dulu ke pesalaʹ ikem ʹo. Idi hem buheʹ ke nuyan anak Allah iaʹ abeʹ un penginteʹ ngajan ncem mudip neng ahang lepoʹ diaʹ kileng, diaʹ piwaʹ neng iaʹ jaʹat. Ikem ne kedema neng ahang ida koʹ baʹan betuʹen iaʹ ngedema kusun tanaʹ iaʹ mentem ini

Ahaʹ cenganak diaʹ pengemalaʹ keʹ, moʹ pekina ban puyan Yesus, tiga hem tudep lemuto koʹ baʹan seʹ kem tudep bayaʹ akeʹ dalau heʹ un ngan ncem are. Menco ho pelaʹa naʹkini, tekep laleʹ kem tudep bayaʹ dau katuk ina, naʹ pe ilu pe coʹ. Sanget sanget cem ke pegayeng ke pedengkep puyan udip kem dalem Tuhan, mentung ngkem takut ngan jaya.