Popular Bible Verses from IBERANI 9

Share

Ngan pekina lete Keristus lepa nuyan pencai liwa ca liwai, apan ne ke mesau penyalaʹ kadoʹ kelunan. Atek kenai ie luhaʹ kedua liwai ʹo, abeʹ e ke ti inu ngan penyalaʹ, un sepuʹo ia ke pudip mung kelunan diaʹ pengaʹ kenai ie.

Uban lan te pekina, atek bioʹ kuʹo ne puyan iaʹ nalan kuʹun dahaʹ Keristus. Moʹ man Berua iaʹ lemuto un pa majan, Keristus mencai usa ha tengen ca liwa iaʹ daʹam lan palaʹ Allah. Dahaʹ a ke muheʹ tekaʹ kimet dalem penawai le cen pemuyan iaʹ abeʹ un tuman, apan le senteng menco gayeng Allah iaʹ mudip.

Singket singket usa kelunan abeʹ senteng are ke matai ca liwai, uʹo ina ha ke tisen Allah pebetep ukum neng ia.

Iaʹ lan ne, bayaʹ Katuk Adet, nyeng ke ketoʹ inu iaʹ ketai buheʹ kuʹun dahaʹ. Ngan penyalaʹ kelunan ketai pesau bang buk dahaʹ kenai musa le.

Ina ukoʹ Keristus iaʹ peteneng ca penyalet tuket iaʹ mading, apan mung kelunan, diaʹ Allah lepa mengin, senteng alaʹ peniga iaʹ ke un pa majan, iaʹ Allah lepa petuket ke naʹ milu. Puyan ini senteng nuyan uban lepa un ca patai, iaʹ senteng ke pawang kelunan kelap cen pemuyan salaʹ iaʹ ida ti dalau re mudip neng penyalet tuket iaʹ puʹun are.