Popular Bible Verses from GALATIA 5

Share

Di lareʹ ca naʹan buaʹ ilu ke majau kuʹun Berua Tuhan, iaʹ ina puyan malaʹ kelunan, bangen tawai, udip iaʹ tadan, denaʹ tawai, puyan pengelesau, pemuyan tiga, pejo kimet, libaʹ kimet, ngan puyan iaʹ mencam mapo pengubaʹ usa le. Abeʹ un adet iaʹ mpi iaʹ ke lemalan neng puyan diaʹ pekina are.

Ini ne sen isiu heʹ: talan ne Berua Tuhan ngkang pengudip kem, ngan ayen ncem tai tunuk palaʹ pengubaʹ penyaheʹ usa kelunan laʹa.

Berua Allah lepa naʹ udip iaʹ mading milu. Tekep lete ia iaʹ atek ke ngkang pengudip le.

Un sepuʹo kelunan diaʹ lepa tai nuyan diaʹ anun Keristus Yesus lepa lematai penyaheʹ usa re, peging pengemalaʹ a iaʹ jaʹat, ngan pengubaʹ a iaʹ jaʹat.

Pemuyan penyaheʹ usa kelunan ina lepe luhaʹ dalem puyan pemung nyelem, puyan jameng, ngan puyan selabu, puyan ngelan uyat, ngan puyan pucau. Pemuyan penyaheʹ usa iaʹ meteʹ kelunan tai pebunoʹ, punan inu re, petiʹet, pekenca, penta un denga, puyan tai un tat, ngan selepeʹ kimet. Pekina pe ida miʹi, mabuk, tutun, ngan naʹan naʹan diaʹ pekina. Akeʹ ke pejagaʹ dau mikem naʹkini, koʹ baʹan nceʹ lepa pejagaʹ dau mikem cen naʹaʹ are, iaʹ ina: mung kelunan diaʹ uyan puyan dini, abeʹ de ke kahum neng puyan pengaren Allah.

Di lareʹ palaʹ ikem cenganak cenganak, Allah lepa mengin ikem apan ncem un dalem udip iaʹ pejo. Un sepuʹo ayen ncem pedayo udip kem iaʹ pejo ina tai nuyan ukan ukoʹ puyan pengubaʹ usa ke ngaren ikem. Di lareʹ puyan pengemalaʹ kem iaʹ tekep nuyan ukoʹ kem ke ngulaʹ usa hem ke lesau ikem selepeʹ apan.

Moʹ penyaheʹ usa kelunan ina iaʹ nyakat Berua Tuhan, ngan Berua Tuhan ina iaʹ nyakat penyaheʹ usa kelunan. Ida dua dina pebunoʹ. Ina ukoʹ kem abeʹ un sukat ke uyan pengubaʹ kimet cem tengen.

Moʹ mung katuk Adet lepa keluʹung neng ca le katuk ukum, iaʹ ina: “Tiga hem malaʹ neng ikem kelunan, koʹ baʹan ncem malaʹ usa hem tengen are.”

Abeʹ le tekep ke balang tawai, nyakit ilu selepeʹ, ngan petiʹet neng ilu selepeʹ apan.

Ilu naʹkini un dalem udip iaʹ pejo, moʹ Keristus lepa naʹ ca udip iaʹ pejo milu. Tuman ina tekep kem salet dalem pengudip kem, mentung ngkem abeʹ un pedayo usa hem tai ulaʹ inu inu laʹa.