Popular Bible Verses from IPESUS 1

Share

Akeʹ nyat pelaʹa apan mata penawai hem ketai pesik, idi hem tai taʹan dema ha, apan ncem tai tisen tebelum dalem pengin Allah neng ikem. Pekina pe apan ncem tai tisen kumpin bioʹ puyan peniga iaʹ ia petuket ke naʹ me kelunan diaʹ anun ne. Pekina pe apan ncem tai tisen kumpin ban bioʹ laleʹ seʹ penyukat te iaʹ pegayeng dalem ilu diaʹ ngelan Tuhan. Moʹ un penyukat Allah iaʹ un dalem ilu ne, pekuaʹ te ngan pengali penyukat iaʹ Allah kanan tegoʹ o pudip Yesus cen patai are, ngan padung ia tahaʹ taʹu ue kaʹ surga. Cen ina Keristus ngkang perinta iaʹ atek mpau neng mung perinta bali tahaʹ ntaʹ langit, neng mung penyukat, neng mung pengali, ngan neng mung diaʹ paren. Atek mpau ngadan ne neng mung kelunan iaʹ un ngadan kusun tanaʹ ini, pekina pe neng udip iaʹ kenai bayaʹ ʹo.

Abeʹ lepe tanaʹ ini nuyan, lepa ne Allah lemileʹ ilu, apan le ke tai diaʹ anun ne tengen dalem puyan le pebeka tawai dalem Keristus, apan le buheʹ ngan abeʹ un penginteʹ kata Allah. Un kimet Allah malaʹ ilu, ina ukoʹ o pebetep neng kimet te cen penading nge ke madut ilu palaʹ ia, ngan uyan ilu ketai nuyan anak ke kuʹun Yesus Keristus. Pekina pengubaʹ Allah, ngan tengangan ban kimet te are.

Kuʹun musa dahaʹ Keristus, ia pawang ilu tai pesau cen iaʹ jaʹat, moʹ un pebeka tawai le dalem me. Pekina pe penyalaʹ le pesau kuʹun patai ie.

Tiga le mung nyuaʹ tiga saheʹ palaʹ Allah iaʹ Amai Tuhan le Yesus Keristus. Moʹ lepa ne Allah naʹ peniga milu, dalem puyan le pebeka tawai dalem Keristus, mentung nge naʹ mung naʹan pengencai udip berua le kaʹ surga.